你地會唔會同一個大家 一齊唔開心，要屈就自己去迎合對方，但係大家都愛大家既人一齊?

我也嘗試過你的情況…
大家一起的時候，很多時也會吵架，不過我的確很愛對方，
所以我會去遷就佢，盡量滿足佢的要求。
因為我很單純地去喜歡和佢一起的感覺，並不是要求佢要為我做些什麼。

如果對方也真的與我一樣愛佢的來愛我…
就算沒結果、沒名份，我會願意永遠和這個人一起。

要放低一個自己愛ｏ既人真係唔係咁容易．．．

我好愛我男朋友ｏ既時候我都係咁諗．．．就算．．．
佢對我唔好唔緊要．．．但係．．．我點都會對你好．．．
希望佢會時時記住我．．．諗起我．．．會掛住我．．．
對我好ｏ的．．．但係．．．好可惜最後都．．．唉＊

但係其實．．．我依家諗通ｏ左會睇返以前．．．覺得好傻．．．
你一生人入面．．．唔止得呢一年半嘛．．．仲有以前ｏ既時間．．．
都有未來ｏ既時間．．．你諗下．．．ｏ係你未識佢．．．
未愛佢之前．．．你係咪一樣ｏ係度生活？一樣過緊日子．．．
你都有開心ｏ既時候．．．但係．．．自己鐘意佢之後．．．
你對佢好．．．但係．．．結果佢話想你對佢唔好．．．
你係咪總係有ｏ的唔開心呢？依家放唔低佢．．．
係咪唔止個心重．．．仲有苦苦ｏ地ｏ既感覺呢？

但係點解你唔試諗下．．．以前．．．你未鐘意佢．．．
未識佢之前．．．你都有好開心ｏ既日子．．．
反而多ｏ的佢．．．自己係唔開心ｏ左呢？
咁點解．．．唔可以放低佢．．．等自己可以開心返呢？

我承認我自己都ｏ係人生入面用ｏ左好多時間去等．．．
但係．．．其實．．．等．．．有少少浪費時間．．．
但係人往往覺得等佢愛ｏ既人就覺得唔會浪費．．．
有時．．．要睇值唔值得囉．．．你明知佢唔鐘意你．．．
你仲要等咩？真係要等？就好似有ｏ的野走ｏ左唔會返咁．．．
時間好寶貴．．．每一分每一刻都只有一次．．．
你諗下呢一刻係２００６年９月２０日２２：５５：３０．．．
呢個時間只會出現一次．．．之後就冇啦．．．
點解花咁多時間去等．．．而唔去自己爭取一ｏ的野呢？
好似．．．用時間去等一個唔愛你ｏ既人．．．
點解唔花ｏ的時間去搵一個會愛你ｏ既人．．．

同埋人有時好衰．．．你越想得到ｏ既野．．．
就係你最想得到ｏ既野．．．你覺得自己有冇少少係咁呢？
如果你話你會一直等佢．．．咁以後你遇到另一個人．．．
你愛佢．．．佢愛你．．．你ｏ地一齊時．．．
你會唔會覺得自己好傻？到時．．．相信．．．
你希望以後再遇到ｏ既人係佢都愛你ｏ既人．．．
而唔係呢個囉＊

同埋好多野唔可以強求ｏ架．．．感情要２個人．．．
呢個你覺得佢適合你．．．但係佢就覺得你唔適合佢．．．
點解唔可以搵個大家都覺得適合ｏ既呢？咁你會變得更幸福囉．．．
同埋你呢世已經對ｏ左佢好．．．如果．．．
以前你冇欠佢．．．今世佢就欠ｏ左你．．．以後佢緊要返黎報恩．．．
有個故仔話：有個女仔．．．因為男朋友有第３者．．分ｏ左手．．．好唔開心．．．
成日都ｏ係屋企．．．之後佢ｏ既朋友見佢再咁落去都唔係辦法．．．
帶佢去見一個相士．．．之後相士見到個女仔咁ｏ既樣．．．
覺得都應該問唔到ｏ的乜．．．就用一支木棒扑一扑個女仔．．．
個女仔就訓著ｏ左啦．．．個女仔就發夢．．．
見到一個書生．．．行緊上山．．．趕路去考試．．．
之後佢見到山上一條女屍．．．之後．．．書生因為趕時間．．．
所以只係除低件外套蓋住女屍．．．等佢唔洗日曬雨淋．．．
之後繼續趕路．．．之後．．．有個奢夫．．．行過．．．
見到條女屍．．．見到女屍ｏ係山上．．．就將佢搬到附近一條村．．．
將佢好好安葬．．．個女仔就醒ｏ左．．．將見到ｏ既野話俾相士聽．．．
相士話．．．其實條女屍就係佢分ｏ左手ｏ既男朋友．．．而佢就係個書生．．．
個奢夫就係個第３者．．．個相士同佢講．．．佢今世要報一個更大ｏ既恩．．．
所以．．．要離開你＊
所以可能因為以前ｏ既事．．．話唔定．．．佢都有其他更重要ｏ既人．．．
先同唔到你一齊．．．所以希望你都可以放低佢．．．

雖然真係好辛苦．．．但係．．．你要加油．．．
因為．．．留戀從前ｏ既人唔會有一個好ｏ既將來．．．
你只留戀從前．．．你會走漏眼．．．其實身邊有比佢更好ｏ既人．．．
因為你留戀從前．．．咁你會錯失大好姻緣．．．
因為你留戀從前．．．你同以後ｏ既人一齊都諗起佢．．．
會令愛你ｏ既人傷心＊

你試想下．．．佢唔揀你．．．佢失去ｏ左一個愛佢．．．關心佢ｏ既人．．．
而你失去佢．．．放低佢．．．就等於放低你ｏ既唔開心．．．
其實你係賺ｏ左．．．明唔明？

有咩唔開心又想搵人傾都可以搵我＊

我覺得留戀以前好似冇將來咁囉．．．
因為你只會望後．．．唔記得ｏ左要向前行＊

分手啦, 再咁落去, 認真搵黎攪, 情緒咁唔穩定, 你都好危險o者, 日日提心吊膽並不好過, 祝你好運 ~^^~

曾經我都以為肯屈就就會無事, 我愛對方就可以, 但我發現我錯了。 一段健康的關係不應該是沒有甜蜜及開心的感覺的。

你願意去為對方付出, 是很好, 不過只是單方面付出, 終有一天你會覺得累。而且你以為這樣付出是為他好, 有沒有問過對方他也認同你的付出嗎?

如果你倆是真心相愛, 大家都應該互相體諒, 而不是你單方面的遷就, 忍讓。他的脾氣可以收歛了嗎? 可以平心靜氣傾嗎? 他是愛你, 就要學懂照顧你的感受。

另一方面, 假如真係無辦法好好相處下去, 倒不如大家和平分手, 無謂拖, 對大家都好。愛是想對方幸福, 活得開心, 而不是勉強在一起, 佔有對方。承認大家不能好好相處, 不代表你或他有錯, 正如有些人你沒法跟他做朋友一樣。

絕對唔會!!!

首先要注意:愛情係唔受外表、背景同埋才學所影響o架!(愛情只會受關係所影響)如果你係真心愛一個人係唔會介意人哋嘅外表、背景或者才學...更何況你同佢有本來就好多地方都唔夾,一齊拍拖亦都自然會覺得唔開心o架!

如果要屈自己嚟迎合對方嘅話,咁自己就可能要「屈」一世o架啦!正所謂「勉強冇幸福」,如果「情已逝」嘅話,請盡快分手...如果唔係,受傷害嘅就只有自己,你亦都唔想為咗佢而遷就自己o架...咁樣只會令到自己更加辛苦...(除非你唔怕辛苦)其實,你唔知佢幾時會對自己好,幾時會鬧自己呢種情形對於愛情同埋未來嘅婚姻都十分不利,如果撞啱你同佢又再鬧交而佢又係一個容易發嬲兼暴力嘅人,邊個會知佢會唔會再一次傷害你?嚴重d仲會打到你重傷都得呀!(當然,我只係指如果佢好暴力...)

唔有開始,又點知結果jer?
早D知道大家唔甲.甘就梗係快D分開啦...
感情越深,分開越痛..
暨然你唔愛佢,但又仲同佢一齊,
甘你即係害緊佢?!~
你話自己好委屈,其實你既害怕同傷痛
都係自己攞黎.......

暨然無愛,或只有一方付出,何必要拖?
快D放手..將來仲係朋友!~

你們未懂得如何相處, 試下把自己的觀點提出來, 希望他能配合. 你走入他的意境時感到屈就, 不如試試找一個共同的意境生活吧.

感情事, 兩者都應該要快樂, 互相關心了解.

好好跟他談談再作決定. 發脾氣, 鬧, 的習慣只會令問題更麻煩, 各人必須克制.

第一你唔好咁諗之前係你做主動先,你做主動只不過係睇下大家究竟啱唔啱,夾唔夾.
如果佢係咁對你,你唔駛諗佢點諗你啦,同佢分手啦.
我覺得佢如果下次鬧得更激動嗰時,可能會忍唔住出手打你(可能啫,不可排除呢樣嘢)
咁你點吖?仍然俾佢哄返你呀,冇可能成日都係咁架嘛,遲啲你就後悔啦!

分手啦﹗
好心分手放開我…重頭努力也坎坷…通通不要好…原來歲月那麼多…為繼續而繼續…沒有好處還是我

唔會
XXXXXXXXXXXXXXXXXXXXXXXXXXXXXXXXXXXXXXXXXXXXXXX