✔ 最佳答案
應該先去原宿先去南青山, 因為由原宿直行可直遲南青山。
JR山手線原宿站會有兩個出口, 一個係竹下通出口另一個係表參道出口。
係竹下通出口出會見到 Fancl House (左手面), 右邊應該係吉野家, 沿住竹下通直行會到達明冶通 (打橫果條街), 過左對面馬路就係裡原宿。如果唔過馬路向右轉會去左個十字路口, 果度係明冶通同表參道既交界。
若果係表參道出口出會見到 Snoopy Town 同 Comme Ca Store, 行過少少右手邊果條係表參道。由表參道直行會去到明冶通同表參道既交界。過左馬路, 右手邊會見到 Kiddyland, 一直行會去到表參道Hills (左手邊)。再過左表參道Hills就已經到左北青山。
右手邊應該有間大 Gucci, 再向前行會見到另一條橫街, 呢條叫青山通, 對面就係你想去既南青山。
(我九月尾十月頭先去完, 希望可以幫到你)