✔ 最佳答案
首先, 保險及投資都是理財策劃的一部份, 所以 保險不能vs理財策劃.
個人對銀行, 保險公司, 基金公司(e.g. JF), 及 投資公司(e.g.IFA) 之個人意見:
1. 成功率
銀行有固定客原, 一定有客, 很難失敗, 不過近年入職要求漸高.
基金公司不是間間都有散戶sales, 如要做vendor sales, 要由內部做起, 唔係話做就做.
保險公司同IFA較易入, 自然成功率較低.
IFA通常因規模遠比保險公司同銀行細, 很多IFA的Training資源都遠比保險公司同銀行低, 故新人起步較辛苦.
2. 困難
銀行工作時間長, quota 高, 頻密見客, 自由度低. 基本上你係一部機. 與客戶交流較低, 有人覺得滿足感較低. 客戶流失機會高.
要做基金公司vendor sales, 知識要求可以很高, 可能要求CFA.
若做散戶SALES, Product range 很低, 未必能全面乎合客戶需要, 由於專注產品, 很難提供全面理財策劃.
保險公司一開始就要自己找客, 邊做邊學, 失手,被拒及冇客時容易情緒低落, EQ要較高. (也有一些保險公司每天安排客戶見面, 出定薪, 你當果d係銀行啦.)
IFA同保險公司困難一樣, 不過IFA規模幾乎一定遠比保險公司低, 而且又係代表客戶, 客戶對IFA公司信心自然通常比保險公司低, 需同客講一番公司背景.
仲有些偏重基金銷售的IFA, 對於客戶的保險同保本產品需要未能全面提供, 增加客戶流失機會. 且由於專注產品, 很難提供全面理財策劃.
3. 好處
銀行產品種類很濶, 機乎一定可以全面包抄
基金公司專注基金, 給人基金專家感覺.
保險工作靈活性很高, 基本上係自己生意, 可自由決定工作量, 工作方式, 同事業發展方向; 易於建立個人形象; 日後隨個人selling外, 更可選擇請人建國, 發展空間很大.
IFA好處同保險一樣, 而且IFA可賣幾間保險公司的產品, 產品選擇可以更大. 可做到集各家之長, 為客戶取利, 留客較易.
有些偏重基金銷售的IFA, 基金資訊支援較多, 給人基金專家感覺.
4. 收入
银行同基金公司定薪佔很大部份, 収入穏定. 但未能有太大突破. (個人感覺: 做得少, 俾人話/炒; 做得多, 又唔會分得好多), 當然唔做o野即走.
保險公司同IFA Commission佔很大部份, 収入可說是冇上限, 有請人的収入會再多. 可為日後建立事業基礎, 將來享受. 早期収入可以很波動, 但保險公司通常都有Allowance. 保險公司都會有很多bonus, 續保佣金等. IFA佣金計法就真係間間都唔同, 自己睇睇.
有興趣知多d可再傾傾.
2006-10-24 02:06:26 補充：
首先, 請你明白商業社會是很公平的, 不可能長期出十幾k底薪而commission跟其他人一樣.以我所知, 保險公司出十幾k底薪不外乎下面原因:1. 你是另一個保險公司的精芵或好有經驗的銀行sales, 比你兩年底薪compensate你損失.2. 將commission大幅減至正常的約30%, 仲要對數.3. 果個唔係真係底薪, 而係要對數的new agent bonus, 唔夠數就唔出. 仲係有期限(只出1-2年).4. 個底薪係借的, 即有可能走左要還.
2006-10-24 02:16:45 補充：
如果你係第一類人, 恭喜你. 保險公司其望你會帶大批客過會. (即Golden HandShake)至於其他的, 都是數字遊戲, 所以保險公司一定會同你對數, 計落唔會有太大分別. 大部份保險公司都有一點真的new agent bonus或allowance, 但一定唔係十幾k果d.如果你一心要高底薪, 不如去銀行.保險公司起步比銀行難得多, 好處只是佣高同發展大.個人建議應睇公司training, 上面support, 同product range.
2006-10-24 02:17:37 補充：
至於你話銀行, 工作時間係咪長, 你可以想像一下如果你係銀行經理, 總公司個個月都俾你一個好大的quota, 而你又知道銀行找客其實好易, 幾乎係同打開門時間成正比, 你係經埋你會點做?銀行薪金方面, 主要係定薪, 冇得比較, 但都唔錯, 大行15k以上一定冇問題.
