請給意見~奧地利、捷克之旅

我自己之前去過奧地利 + 捷克,自己同朋友去的 : )
揀o左o既城市有Wien(即Vienna維也納),Salzburg(薩爾斯堡)
同埋捷克o既Cesky Krumlov,Kutna Hora同埋Prague(布拉格)

其實行程無乜問題,同埋有時旅行好講大家咁o岩鍾唔鍾意個地方,又唔係好知你d到埗時間,不過我有多少少suggestion:

(一)奧地利
一開始去到維也納可以睇下有d咩景點好想去o既搵定先,我自己不是很鍾意維也納,所以必要時你去到7/4第四日覺得無乜o野玩開始悶的時候不妨試下一早搭車去Salzburg(薩爾斯堡),一兩個鐘車程就到,如果早去可以o係o個度玩即日來回。

點解我會suggest Salzburg係因為佢個城市雖然唔算大,
但都叫有d o野睇,佢最出名係1.Mozart o既出生地 同埋
2.佢係Sound of Music 拍攝o既地方,
所以都好多人慕名去咖,而事實上河邊景色都好靚,又可以去下d Sound of Music o既景點呀咁o既,山上都真係有個位係有o個d大草原feel~
另外我覺得佢好有"小鎮風情",有d石鋪成o既小路,兩旁都係d舖頭仔好多都賣d人手整o既歐洲裝飾呀咁(e.g.人手畫o既蛋,蠟燭座,聖誕節掛飾等等),每間鋪頭出面個招牌呢又好特別同好靚咖喎,跟住又有d幾小巧精緻o既Cafe可以嘆奧地利出名o既Coffee同埋朱古力蛋糕,如果你鍾意呢種氣氛就點都要到一到Salzburg o勒!!!

(二)跟住講捷克
Cesky Krumlov好o野o黎咖,不過又係因為我好鍾意d小鎮風光,有d好colourful o既屋同埋堡壘,石板鋪成o既廣場仔等等。
如果你諗住即日來回記得預多d時間呀!!!
布拉格有樣o野好就係佢都幾繁華,夜晚都仲叫有d舖頭開下同埋夜晚都可以睇到大橋o既夜景同埋大鐘夜晚有d夜光咁o既,所以第一日夜少少到都唔一定無o野好做,不妨四周行下,有時仲可以跟下人o地夜晚o個d"鬼古團"添! :）
(p.s.想報好似要去info center 報的,唔係好記得添)

又俾多個choice你,in case你捷克行到無o野行的話,不妨試下有無時間去一個叫做Kutna Hora o既地方,o個度有間教堂裏面o既陳設同裝飾係用人骨砌成,都真係幾靚幾特別,但附近就無乜o野睇,但車程唔耐又唔花好多時間,都可以去睇下,不過你記得問清楚佢有無開喎!!!(因為呢d地方隨時會裝修!!!)同埋我記得隔離都有間屬於世界文化遺產o既教堂/修道院,係12th定唔知14世紀咖,不妨順便睇下啦~個鎮好細咖問下d人都會知咖!(尤其係人骨教堂,出名到未開口問已經指o左俾我o地睇!!!)

(三)交通
如果想check 歐洲o既交通,好簡單,直接去google到search例如"Austria railway" OR "Czech railway"就會去到o個個國家鐵路網o既homepage
(呢度講o既係d過城市/過國家o既火車,至於個別城市入面d 地鐵呢就要搵返個city o既網頁,又係o係google直接search city名就得咖o勒,都唔爭在俾埋個小tips, 奧地利o既城市網頁全部都係www.城市名.at o既, 例如[www.wien.at];而捷克就係cz, 例[www.praha.cz],不過留意個名就可能係佢o地自己個文,都係google方便...)
但其實你用任何歐洲國家o既homepage都search到全歐洲大部分o既過境列車o既時間表,不過如果去返o個個國家homepage的話就一定會check到埋價錢o既。

Austria係呢一個:
http://www.oebb.at/vip8/oebb/en/index.jsp
你可以查下個火車時間表,揀最快、最直接、時間最o岩你行程o個班列車。

如果你打o左TO:同FROM: o既city同埋日期之後,佢就會出個table俾你

我試o左一次查Wien去Cesky Krumlov,你可以睇下呢條link
http://www.oebb.at/vip8/pv/en/Servicebox/Train_schedule_inquiries/index.jsp?S=Vienna&Z=Cesky+Krumlov&start=1&ld=oebb&image.x=65&image.y=5&date=26.10.2006&time=01%3A19&timesel=depart

上面個表show o左出發同目的地o既地點+車站
出發同到達o既日期同時間
成個旅程要幾多個鐘,同埋要轉幾多次車
同埋搭d咩類型o既車
(咁其實不是最重要,不過express特快o個d多數快d舒服d)
下面個表就寫清楚o左中途轉車每一程車o既詳情o勒
仲有days of operation就係講逢禮拜幾有車咁o既,小心佢o地無端端放假!

p.s.你都要諗下買唔買火車証(pass)呀o個d喎,
(記住搞清楚邊程火車係唔可以用pass,有時d境內火車要另外買飛,
例如捷克d火車/巴士)
否則就要plan定點買飛o勒,
雖然實情係到時買都唔駛死o既......

好o勒大致係咁啦...希望幫到你啦!

你好,我本人去過以下網頁,有些資料唔明白,想你請
教.http://www.oebb.at/pv/en/Travel_within_Europe/SparSchiene/SparSchiene_Czech_Republic/Vienna_-_Prague/ 如EC100 from 01:49pm Graz Central 出發,途經Leoben Central 02:37pm,09:55 pm到達Prague hl.n,呢個行程我明白,但佢右手面個欄,EC101 to ...,呢個就唔明白,請問你明白嗎?可否解釋一下. Thanks!!