西 貢 東 郊 野 公 園 （ 大 浪 西 灣 ） 士多有無得沖涼？

大浪灣根記士多，有出租渡假屋，燒烤爐，當然有得沖涼啦。仲有干炒牛河同星洲米食添，唔信可以打電話查詢：2328 2391找銘哥問啦。
不過我就鍾意去附近三疊潭沖山水，水質仲正。

2006-10-21 09:04:41 補充：
三疊潭唔係東灣，係西灣，由根記士多向東灣方向行，得一條水泥路，過了公廁再過沙灘，到沙灘邊上山路前轉左向山谷方向行，過一條石橋就到，幾分鐘路程，如果有露營人士不妨問下他們，應該會指到你知入口，因為好多係西灣露營人士都會去三疊潭玩同沖涼。三疊潭其實好大，河面闊及河水又多，潭水夠深玩跳水，夏天玩就最正，因為可以先游完海水，再去游淡水，香港唔係好多地方可以咁玩。根記士多是有得沖身的，不過不記得收多少，所以你可以打電話去問。基本上沙灘唔會有蛇，不過三疊潭會有水蛇，不過無毒的，見到人會走，可以不理。