問題媽咪,請幫忙回答

我10月初才生了一個bb女，我應該可以幫你
1. 唔可以食生冷野，如壽司，要食啲有益野，如飲鮮奶，飲食均衡就得，無需特別進保
如個嘔吐，無乜胃口，可以食由醫生開嘅維他命

2. 紅事(如結婚，壽辰)及白事(如喪事)

3. 老人家話唔好在床上用鉸剪，唔好搬屋，唔好釘野及鑽野，唔好搬動任何家俬，唔好用針鏠野

4. 都係老人家話，首三個月除家人外，唔好公開話比人知有左

我的寶寶剛1歲, 現把我懷孕時的經驗講你知.
1) 多食含葉酸的食物. 早晚各飲一支鮮奶. 不要挑食, 飲食要均衡. 不然, BB會挑食的.
2) 人多空氣吾好的地方和飲宴少去.
3,4) 其實沒有什麼特別的避忌. 最緊要心情保持開朗開心就得. 懷孕3個月後, 多跟BB傾計和放些音樂給他聽, BB會好開心的.

3個月之內最好唔好同人報喜住~等定左個胎先講~

1.初期最好飲奶奶~補足鈣質同營養~因為bb開始大時需要攝取好多鈣質~
蔬果類都要食多d~補充返d維他命
d冇營養既野就唔好再食啦~煙酒一定唔可以沾~
最好初期唔好食咁補既野住~胎定左先食會好d~

2.d人多擠迫既地方就唔好去啦~一陣唔小心整親就唔好啦~
上落樓梯要份外小心呀~煙多既地方都唔好去~(你都唔想同bb一齊食二手煙既嘛)

3. 避忌就唔好爬上爬落~手多多~搬野~唔係bb出世有咩野都唔好丫嘛! 仲有唔好跳跳紮~因為頭3個月係好重要架~過左3個月先算係穩定期~

remark:如果唔舒服一定要去睇醫生~就算係少少感親都要~唔好亂食成藥丫~

1.)唔好食生冷東西,飲多D湯水,同飲奶
2.)人多劑壁就唔好去
3.)唔好縫衣,唔好搬屋
4.)好多人都話懷孕3個月之前唔好同人講有BB,咁樣會令bb小氣,但係我自己一有咗,就話俾人知喇!我就沒有什麼問題喇!
不要緊張放鬆d,我支持妳!

1, 中國人會話生冷野唔好食, 但係外國人真係雪糕乜鬼都照食, 所以最好係問返你醫生有咩係唔食得, 同埋我聽過人講係醫生會叫唔好食人蔘進補, 原因唔知點解

2. 其實冇話邊度唔去得, 都係一般風俗啫, 如果你覺得你去既某一個地方會唔安落, 咁就唔好去, 因為孕婦最緊要都係保持心境開郎同埋情緒良好

3. 中國人就話, 屋企唔可以裝修, 唔可以搬動傢俬, 因為咁樣會動胎氣, 同埋最得意既一樣野就係話大肚婆唔可以攞起把刀切橙, 如果唔係bb仔出世耳珠會崩左一忽

4. 唔好太快話俾人知自己有左, 唔好好似拍戲咁, 痴滿哂啲bb posters

4)唔好咁快公報出俾親戚知