請問鹹田灣(人稱海下灣或鹽田灣)郊遊一天大既多少錢

由水路去咸田灣，可行性不大，因為在西貢碼頭包街渡去萬宜水庫，十年前試過就二百元一程，如果以相若價錢，來回都要四百至五百元，但現時好多艇家都唔做，因為費時又唔係賺好多，係西貢碼頭做去半月灣半日都唔止賺這個價錢，所以行水路你有錢都未必有人做。
行陸路就唔駛由北潭涌行入去，因為有街車，15元一位一程，來回三十元一位。街車上車地點為西貢市麥當奴餐廳門口，頭車上午8:30至下午4:30，去到大浪西灣上之西灣亭落車。西灣亭回程車最夜下午6:30，詔過時可以召的士，或之前聯絡街車包車，收費自己問。由西灣亭行入大浪西灣約需二十分鐘，由大浪西行入咸田約需一小時。街車查詢電話：2791 5556，亦可以約新界的士，收費80-90元一程，電話：2729 1199或2583 0899。
入咸田可以找安記海景士多，西貢咸田灣12號地下，找溫水生先生，電話：2328 2262或者 23282316。行行下唔識路求救都有人幫。
舉辦遠足事前路線要計劃清楚，最好有有經驗之領隊協助，另外事前最好電話聯絡西貢警署備案，留下行程資料同人數，聯絡人電話，西貢警署查電話公司啦，因為不在身邊。
裝備包括地圖及指南針，當然要有人識用，此外要救傷藥物、手提電話、哨子（求救時讓別人知道你位置用），這些是團隊要用的物資。
而個人就要有水及乾糧、雨衣（不要帶雨傘）、風衣、有手提電話同哨子更好，此外就請你的團友穿對好點的鞋，唔好貪方便拖對拖鞋或者涼鞋，雖然西灣至咸田都是平坦水泥路，非常好行，但對一些唔行慣長程路的朋友來說，路程都算長，無對好行鞋就只會好快起水泡，到時就唔知行好定唔行好。

海下灣同鹹田灣相距好遠...你係想去邊個灣...
鹹田灣冇車又冇船去...除非你租遊艇...
去鹹田灣可以係西貢市中心搭94...$5.9去到北潭坳落車...行入赤徑...上大浪坳...落大浪村去鹽田灣...
回程可以回頭或...行去西灣...出返西灣亭搭村車返西貢...
全程約12km行5小時...

海下租車去要注意...北潭涌入口係要申請閘紙...電話31293056
...如果你冇申請只可以去到北潭涌停車場...
去海下你可以係西貢市中心小巴...$10位直達海下...