同朋友個gf發生左關係....

既然你由識佢到而家,你都從未諗過同佢發展，即是你都當佢係好朋友,但你又同佢發生關係,而且你同佢bf係好朋友,你咁都得,而家唯有同個女仔講清楚,你只當佢係好朋友,而且從今之後唔好再見呢個女仔,不論她的bf/你的好友是否在場,如果你好友知道,一定冇friend做,不過個女仔明知你地係好朋友,佢都同你做,其實我覺得佢都有問題,並唔係同個bf,有問題就要同bf個friend做o架,你一定要攪清楚你地三個之間嘅關係,唔可以一錯再錯,以後遇到相同問題,你要避免單獨同個女仔出街,因o的女仔通常同bf嘈,個心一定好空虛,而啲男仔在這時出現,會令個女仔做錯事,你已經做錯咗,冇得當冇事發生過,你自己想一想,假如你係嗰個男仔,你會點呢?你自己好自為之啦。

錯已經是事實, 明明是好朋友, 又何解弄成這樣?! 個女仔擺明想同男友分手, 或許她一早已經喜歡你, 否則不會跟你發生關係。她不為男友著想, 你就更應該為你朋友設想。 一個是女友, 一個是死黨, 如果同時間你同個女仔一起出賣他, 你估他會點? 比死更難受!

既然事件未被揭穿, 你應該避免與那個女仔見面, 同時自己冷靜想一想, 究竟自己對人有沒有意思, 還是出於同情心, 一時衝動做錯事。其實你那位朋友(男), 遲早會知件事, 因為紙是包不住火的。只不過你不出聲, 他也是懷疑。坦白說, 你也不好受! 瞞住好朋友, 又要扮沒事一般對著他倆。

我不主張你自揭瘡疤, 少些和他們接觸, 待時間過去沖淡件事, 應該會好一點的。

唔發生都發左啦~鑑介都冇用~
最緊要係你個心想點~
你話冇諗到會發展到咁~點解你又同佢發生關係~
如果你唔鍾意佢~你就唔會做d咁既野啦~
如果真係因為一時衝動既~咁我就好質疑你既自控能力啦~

唔通好似俗語話~朋友妻咪走雞咩~
li d係天下不容既事~如果比你老死知道左~反梗面不有之~可能仲有唔好既野發生~

個女表面越冇野你先超驚呀~因為明顯對你未忘情~
可能仲好懷念只有你兩相處既日子呢~
如果係咁~不如對佢講清楚啦~以無後顧之憂~

但係如果佢地之後分左手~你都唔好介入丫~
唔係只會死路一條~

其實你地大家都識左10幾年~你自己覺得你地既友情重要d~
定係可以放棄10幾年既感情而同佢一齊~
最後結果都係你自己點決定~
我地只係比個意見~
不過祝你good luck~

咁你係唔係中2人啊~

唔係ge話好直接同個女仔講啊~唔好等人地以為你都中2佢~

你個fd知唔知你地d野架~

我覺得佢地一日未正式分手，你都要忍住，唔好差隻腳埋去
1.唔識既就話姐，而家你同佢地係咁多年既朋友，萬一你做左第3者，對大家都唔好；尤其係你，你會比人話第3者，折散人地，聲譽唔好，相信將來你都會後悔
2.對大家都無保障；對你，個女仔可能只係對段感情嫌倦，想搵下其他剌激黎調和，未必係真係中2你；而佢地可能係想一腳踏2船，玩完你，照同返自己男友一齊。到最後，到方依然係恩愛夫妻，你只係一個曾經對唔住你朋友既第3者
3.唔值；為左一個唔肯定會唔會行一世既女人，而放棄咁多年既友誼，唔洗我計比你睇，你自己都識計啦
4.最後，我想話你知，一個可以背叛自己現任男友既女人，他日如果你揀左佢同佢一齊，佢都一樣有機會背叛你。

如果你覺得你自己只係想做朋友既，你可以搵個機會先同個女仔傾下，可以直接問下佢，佢話想同你一齊，你咪問下佢同男友之間發生左咩事令佢咁諗囉~~以朋友既立場去幫佢同bf，然後再表明你暫時只想做朋友，希望佢唔好亂諗…如果佢話根本無呢回事，你咪可以鬆一口氣囉。

如果你真係覺得你可以試下同個女仔發展下既，又或者個女仔同佢男友散左其實係件好事，你即管可以一試；不過為自己、為朋友都好，希望你先叫個女仔解決左佢同男友既關係先；無謂為左一個女仔而失去更多野。

我覺得你對她沒有那種感覺的話,你請盡快跟她講清楚!!!免得她再胡思亂想,而且你認刻盡快同你朋友講清楚你跟他gf的事!!!

雖然佢一定會同你反面,但起碼你唔會再對唔住自己的良心!!!

希望你可以早日解決這難題~

如果你唔想同個女仔發展就唔好再拖啦,亦都避免一齊食飯啦.
呢個係最好嘅辦法,唔好再同佢糾纏不清嘞,
只會令到你個男仔朋友傷心你撬佢長腳咋.
一不小心個女仔唔知係咪玩嘢嗰種就慘啦.

你都好老友同唔負責任, 明知係朋友既女友都會攪, 重講什麼鑑介, 你心唸趙完鬆唔想上身啫.咪清楚話俾女方知你只想有性唔會同佢一齊啦.

既然事實發生左，你就要唸下點樣解決

同佢一齊之前你應該係預左有呢個結果先至會去做…

講清楚都係遲早既事，你實冇左個fd架啦…做好心理準備啦