help....急急急問(20 points)

一定要面對,如果你吾聽電話仲衰,佢地搵吾到你就打比諮詢人,
你同佢講話你老闆仲未出糧比你,可吾可以遲d先還,一出糧即刻過數......
希望佢地可以比多少少時間你啦...你吾好再借啦,冇錢咪用少d囉...

一般財務同銀行追數分以下程序:
1.剛過期會有人打比你提你交錢,呢個階段好有禮貌的,只係提一提你。
2.過左(1)之後,再有第2組人追你數,呢個階段會開始強硬,一般都唔會爆粗住。
3.(2)之後到第3組人追數,呢part就開始爆粗架喇,亦開始搵咨詢人追數。
4.(3)都追唔到就會撇帳,pass去credit control(信貸管理),呢到追數會同(3)一樣,但粗口會更勁,,打電話次數亦更密,而呢個階段係追全數。
5.(4)唔得就會掉出街比收數公司收,呢度就再比(4)更多粗口,會上門追數,包括屋企同公司。
以上會因各公司唔同政策而有所不同,大致係咁程序。

通常未欠多於一期會係頭3階段,重疊2期就會撇帳到(4),因為息疊息對財務同銀行黎講係犯法的,so有時供唔到一期,佢都要你交一個月息,順延一期。

你個case應該係去到(3)階段,如果你唔介意又頂得到,佢地日日打幾次比你爆粗同問候你d咨詢人,一般黎講你係下期到期之前交返都未有問題的,當然個tu就花晒啦。

唔好理佢
唔聽電話