我在上個月27號人工流產..之後時常發燒.現在排便出鮮血..

做完人工流產後,應該大約一個星期就乾淨,兼且血嘅顏色會由血紅色逐漸變為啡色,份量會越嚟越少,最後會好似茶漬咁少，另外，腹痛係正常嘅，因為刮宮手術關係，另外，子宮會收縮，所以會有M痛嘅感覺。但如果你D血唔係液態，係血塊，又或者嚴重腹痛，有可能係手術時死胎未刮乾淨，又或者子宮被刮損，引起發炎；但你又話你曾經飲過雞湯，做完手術失咗咁多血，飲雞湯好燥嫁，你宜家身體咁弱，應該食D補而不燥嘅食物，你可以飲多D魚湯，食吓肉餅，食多D菜同生果，好似人哋開刀坐月咁，千祈唔好食當歸紅棗，白鳳丸都唔好食住，呢D嘢全部都係補血嘅，但係你D惡露都未乾淨，食埋D咁行血嘅嘢，咪流血不止囉!

你宜家最緊要係再去睇多次醫生，驗清楚你流血同腹痛是否因為手術後遺症，響呢段時間食D清淡嘅食，進行性行為時要做足安全設施，因為人工流產後經期可能未必準確，好容易響呢段時間中招(受孕),如果身體未準備好,BB都唔會健康。等你惡露乾淨晒後,掌握排卵嘅日子，先至進補都未遲，你更可以請教中醫，用中藥嚟調理一下身體，不過都要食成半年嫁，加埋均衡飲食，多做運動，身體好就自然BB都長肉，陀BB都穩陣D啦!

希望可以幫到你，祝你身體健康，願望成真!

你的情況，可能手術未清，應立回港中醫院要求檢查，立即，見字立即，因你的情況是不會有。

2006-10-21 18:29:07 補充：
非常擔心你的現況，有沒有再見醫生或到急診。回我 [email protected]

發燒可能有炎症, 甚至有併發症, 如樓上的朋友所講, 快d 去醫院check清楚.... 快.... 不要等.... 快快快...

2006-10-20 13:12:38 補充：
沒理由這麼久還未乾淨... 更沒理由有鮮血, 怕手術不好, 弄傷了盆骨或其他器官

可大可小 快睇急証 先調理 後才可進補 咪亂試 否則手尾長

你係係香港做定係大陸呀~
如果聽你咁講~落完之後發燒就要小心d~如果再持續既一定要睇醫生~
可能你人工流產做得唔好~

其實剛剛做完li d手術~就唔好食d咁補既野住~
因為一時會有反效果~
最好開頭食清d~等身體好d之後先補~
食下燕窩同雪蛤膏~li d比較平和d~
都血清曬先食當歸個d~不過最好都係要有足夠休息~