去夜行應帶甚麼東西

夜行活動最好是要準備充足才可以舉辦的活動，我曾見過有一批人只帶就連地圖都無去行夜行，不過都無事，但這不代表可以簡單準備就可以，因為我見那批人都攪到好狼狽要向我求助，所以奉勸各位唔好當行夜街咁行夜山，就算唔出事都嚇餐死。
行夜山要準備咩，其實最重要是要有有行夜山經驗的人士協助，一般日間行山人士，就算經驗幾好，都未必行到夜山，因為在夜晚，能見度好低，同埋四周環境會覺得唔同左，就連地圖有時都唔可以幫到自己判斷出自己所在位置，所以最好有經驗同熟路的人士同行，就算自己事前去行過那段路，睇過情況都無用，因為你不是夜間去行，日頭行完唔代表你夜晚行時可以認到四周環境。當然，地圖指南針一定要帶，特別指南針，無佢就好危險。
至於裝備，樓上都講了，電筒、糧水、風衣（禦寒衣物）、手提電話等，就好少人知要帶哨子，我帶團就一定要參加者帶哨子，因為這是求救及搵人的最好方式，無手提電話都一定要帶哨子。另外會提醒參加者穿鮮色衣服，方便失縱時容易找，唔好以為參加者不會自己走失，我就試過有朋友行行下唔見人，因為差錯腳跌左落山，如果當時佢著件黑色、深色衫甚至迷彩衣服，咁就要佢命硬捱到天光先可以搵到佢。仲有鞋都好重要，因為黑麻麻，容易差錯腳，所以一定要穿有保護足踝能力的鞋，長boot就最好。
另外團隊如果有對講機仲好，一定用得著，一對都是二百多元，隊頭及隊尾一人一個，保持緊密聯絡，有人脫隊或者後隊跟不上都可以即時通知領隊停下來等人。
當然，一定要向警局備案，通知警署你的行程、人數同聯絡人電話，警方是會很認真處理的。我試過一次行夜山行紫蘿山徑，凌晨四時去到淺水灣見到有隊警察係7-11門口等我們到左先收隊。所以咪話D警察唔做野呀。
最後，行夜山有句口訣就是「黑泥、白石、光水潭」，所以行夜同行日是完全相反，見到黑的路是泥路，是安全的，反而見光的是有水，唔好行落去。仲有，如果有發覺自己迷路，要保持鎮定，唔好四處搵路走，留在原處等人搵你是唯一的求生方式，當然要求救啦。

夜行帶既就係同日頭帶既相同
雖然係日頭行山帶既 + 電筒,後備電池等,但個人角度係相同
簡單去諗,有時都會因意外或其他事故而令行程遲左,由此有機會行到入夜,原係日頭行山都變左加埋夜行,安全就要帶定電筒,電池等
夜行,真係要有經驗者及熟路者,日間同夜晚係完全唔同兩回事,環境變化好大,仲有既係心理問題,因為多數人習慣有光既環境下,當黑暗之下會感到不安,若無有經驗者帶同,相同好容易因失去信心而迷路

同平時遠足冇分別...
就算電筒/後備電/風褸...呢d野日行都係要帶既...

政府指引
事 前 準 備 : 注 意 天 氣 情 況

特 別 留 意 天 氣 情 況 :
十 一 月 至 二 月 氣 溫 急 降 引 致 暴 寒 。 風 高 物 燥 ， 易 生 山 火 。
三 月 至 四 月 大 霧 可 能 引 致 迷 途 。
五 月 至 十 一 月 雷 暴 ， 大 驟 雨 ， 水 浸 及 山 泥 傾 瀉 。 因 高 溫 引 致 中 暑

負 責 帶 領 遠 足 活 動 的 領 隊 ， 於 出 發 前 應 將 下 列 資 料 交 給 一 位 不 參 加 是 次 活 動 之 聯 絡 人 ：

a. 活 動 性 質 、 行 程 及 目 的 地 。
b. 活 動 日 期 、 活 動 舉 行 時 間 及 回 程 時 間 。
c. 參 與 人 數 及 年 齡 。
d. 參 加 者 姓 名 、 參 加 者 家 人 之 聯 絡 電 話 及 地 址 。

遠 足 前 一 晚 必 須 充 份 休 息 ， 出 發 前 吃 一 頓 豐 富 而 有 營 養 的 飽 餐 ， 以 便 有 充 足 體 力 持 久 步 行 ， 減 少 意 外 受 傷 。
穿 著 適 合 遠 足 用 的 衣 服 和 鞋 襪 ， 避 免 短 衣 短 褲 。 還 要 有 合 適 的 帽 子 ， 夏 天 可 遮 太 陽 ， 冬 天 則 可 保 暖 。
用 背 囊 帶 備 適 當 後 備 衣 物 和 必 需 物 品 ， 例 如 地 圖 、 指 南 針 、 食 水 、 食 物 、 電 筒 、 雨 具 、 收 音 機 、 急 救 葯 箱 、 哨 子 、 流 動 電 話 、 記 事 簿 和 筆 等 。
流 動 電 話 可 說 是 最 快 捷 的 求 助 工 具 ， 但 應 注 意 其 服 務 覆 蓋 範 圍 ， 在 某 些 山 嶺 間 特 別 是 山 谷 內 ， 往 往 會 失 去 聯 絡 。 此 外 ， 也 要 注 意 節 省 流 動 電 話 的 電 源 。

http://www.afcd.gov.hk/parks/trails/Chi/hiking/hike_safety_c.htm#Preparation

帶電筒,水(至少2L),乾糧(朱古力好,夠熱量),急救用品,禦寒衣物(好緊要,我第一次去行鳳凰山冇帶,凍死我),手機,行山竹(可有可無),背包

2006-10-19 21:43:00 補充：
仲有係錢,指南針,地圖,個人藥物(藥油等)