分手後有冇幾會復合, 如會, 又大約過幾耐呢?

初戀! 我想你bf應該是20幾歲喇! 儍妹, 絕大多數的男人都只會係自己兄弟好友中(吹)自己女友有多好，尤其是20出頭血氣方剛的男人, 通常就會開始慢慢覺得自己的gf唔夠好，加上外面花花世界，日積月累便好易好厭棄，跟住提出分手。

儍妹，其實你又何嘗過跟其他男性拍拖! 你又點知佢真係禁適合自己，可以倚賴一生? 記住係一生喎!!! 起碼都有五、六十年喎! 點解人哋一提出分手，就直刻想幾耐先復合呀? 你唔好咩? 唔好, 你bf就唔會同你一齊3年啦! (不過, 有時都需要自己檢討下自己有無問題，好讓下次, 做得更好!)

男人有時會好似細佬仔同野馬禁! 佢鐘意free, 鐘意係friend面前有face.......... (尤其是年青人!) 控制唔到架!

想幾耐先復合呀? 不如扮吓靚, 增值下自己, 擴闊下生活社交圈子, 識多D人, 令自己開心D，不浪費青春。假如有一日，再碰到這個Ex, 他只會後悔及驚訝原來你係甘好、甘正架! 甘唔係更好嗎?

緣份天註定，但一定要係自己能力範圍內，活得更精采、更充實、更有意義及更開心。無嘢緊要得過自己!

Take care!

有既～～你試下感動佢啦～

我都曾經試過咁,
不過當時係我男友管得我好嚴,
所以分手!
但隔左三個月度, 我地覺得大家仲可以走在一起!
因為佢真係有好大改變, 願意俾空間大家!
而我亦開始懂得佢緊我O既心意!
所以治本O既方法係先要真心改善問題!
咁先會再有機會一齊O架!

如果你地綠份未盡, 必會再一齊呀!
但相反就唔好勉強啦!
祝福你^_^

呢d野邊有準則架?

你同佢攪過野未呀?如果攪過呢d通常都係藉口黎既姐...

如果未攪過就可能係佢覺得三年都攪唔到費事煩;可以嘗試俾一次佢睇下留唔留得住佢.

男人拍拖十個有九個都係為左攪野,所以睇下攪野方面有無得諗先先考慮其他野.

有,情形同你差不多,但係佢係突然人間蒸發咁消失咗,1年到佢又再出現,响街到撞到,好似拍戲咁,仲叫人嚟傳口訊約我,之後又再一齊,但係1年到,又再分手, 因此,結果都係唔夾。

其實,由第一次分手開始,我就下定決心,以後不能把感情看得太重。

缺點雖然要改,但也要看看對方的性格和自己是否適合,唊硬迫自己遷就對方,也是不會長久的。