點樣可以打籃球勁一點, 命中率高一點?

你首先要學識正確的射波方法~

基本上
基本步一定要熟練，就係指射波個3步
跳起時一定要側身，通常我會叫d人膊頭向住龍門
手要拉開，大約同膊頭成水平。手臂角度應稍大於90度。
射波除用手力，仲要用腰力，一定要轉腰

先講Centre
基本上比賽之中如果centre於六公尺給成功接應隊友傳球，入球成功率係非常高既。
Centre射球要求唔高
主要要求係球速，亦即係力量
接到波就將你常用既起跳腳 (如果你係右手仔，就應該係左腳) 既腳尖轉向龍門
之後自然就會識轉身
唔好急住射，冷靜分析守門員既企位
通常你轉左身之後已經係明顯得分機會
如果有人阻住你通常都係犯規，七公尺
到時扮下失平衡跌低就得喇~唔好急
由於射波位置非常有利
切忌要求刁鑽的角度
因為咁近既距離之下，力量加上些許角度已足夠射入龍門。
無謂因為刻求角度而導致失誤。

所謂力量就係指腕力
有d人會以為射波靠手臂力，其實正確係靠腕力
練腕力可以用接力棒+繩繫緊一個啞鈴，然後手臂伸直，用手腕向內扭。
如果冇呢d工具，可以扭毛巾。

要充分利用腕力，就必須在任何時候都緊握手上既波。
絕不可以用手掌托起個波就算
能夠拎住個波"chok"手跑步就合格喇~

跟住就係Wing位
左wing同右wing射波好唔同架喎...唔知你打邊邊？
假如你用右手，左wing就會易射d
wing同centre好唔同
對角度要求非常高
首先，跳既時候一定要向中間跳，以博取更大角度
其次，就係要好既騰空，以評估守門員位置
最重要既莫過於手腕
射wing有幾種方法，遠柱、近柱、彈地。
以左wing黎講
遠柱同近柱要求手臂向內擺動同時手腕發力
彈地波更要將個波向下壓
右wing就比較高難度
一般我會要求自己彎腰，然後射波既時候個波會從大概係頭頂位射出
呢個動作要做得好要長時間練習
基本要求就係手腕向外轉，唔好用手臂夾硬屈番個波轉頭
其實右手射右wing既話建議多射彈地，比較有利。
wing要不斷不斷不斷地練習

練騰空可以試下做深蹲跳~
至於轉手腕，可以試下零角度立定射波。
即係企響底線，距離龍門約2~3米，練習將個波射入龍門
唔需要用力，試下捉住個種轉手腕既感覺。
===========================================
掌握正確的射波方法後~
就要多D練射波~
靠自己不停練~@@

我稔第一你要練習多d~practise make prefect~你每日付出時間去練
另外要有個好既導師指點你就事半功倍!話比你聽你既錯誤，頌可以比你有d壓力督促下你練習
頌同多d唔同既人比賽~學習下人地既優勢同熟悉唔同人既打法