想養八哥，容易嗎？

八哥很易養, 但唯一要注意就係佢地好怕寂寞, 所以會做出好多抵死動作, 係籠裡面吠引你注意, 佢地心地善良又愛嗲, 樣子蠢蠢但其實十分聰明, 可以話係古惑, 特別鍾意食野, 有野食呀媽都唔記得, 成日一副楚楚可憐既樣望你, 做錯野就用個pat pat得住你, 好似話你知:你打就打我pat pat啦, 好肉d無咁痛咁! 其實如果唔係太曳, 都唔想打佢地, 不過佢地未定性前都好鍾意吠, 尤其係籠裡面既時候, 可能想話你知唔好困住我, 總之有人佢就要出黎啦, 兼且bb狗發牙痕, 咩都咬, 佢地唔多痴狗, 痴人多d, 最好成日有人陪住佢, 咁佢地就好開心喇! 有研究講過八哥比較鍾意乾淨, 唔洗担心佢地玩屎尿, 唔知係咪喎, 我果隻就唔玩屎既! 但要小心佢地食量, 可以話唔知飽, 有個大肚腩係等閒事, 總之要佢地冷靜俾野食佢就得喇! 我果隻識聽人講野架, 你同佢講: 你眼訓就返去訓先啦, 唔好等我喇, 佢就自己返去將床仔訓, 八哥好易教, 肥嘟嘟成條蟲咁, 但我果隻有d遲鈍囉, 左邊嗌佢跑去右邊, 佢好驚做錯野你嬲佢架, 不過最重要控制佢體重, 唔好俾佢太肥, 我果隻太肥六歲走咗喇! 懷疑佢心臟負荷唔到!
希望你會照顧佢地好d啦!

純種的八哥要四千幾, 二三千蚊果d通常雜左或者大陸狗, 即係手長腳長唔縐皮果d, 而家d pet shop好少返靚果d, 通常都三千到, 但你要小心呀, 出面有好多病狗, 二三千蚊買返黎, 二三千蚊睇醫生, 仲貴過四千八, 錢事小, 心血眼淚事大, 真係要買的話, 去九龍城好的pet shop幫你訂啦! 風險低d

我隻八哥剛剛生了八哥仔~3隻黑色2隻白色.
請問有興趣嗎? 我希望幫小狗找到好主人~如有興趣請contact我吧!
我會養到大約2個月才賣的.因為太細會容易病的~

其實點解你唔去領養一隻狗狗，你知唔知Ｄ寵物店全都是Ｐ人的，領養一隻狗狗可以令狗房多一個位比令１隻狗狗，如果人人都去買一隻，Ｄ小孤兒就好唔快樂了，雖然不是什麼名種狗，但你去領養一隻狗狗比你去買一隻狗狗好呢！
我隻狗狗都是領養的！去香港愛護動物協會(SPCA)有得領養貓貓或狗狗
領養一隻狗狗，＄平好多添，不要看小唐狗，因為我都是領養唐狗，八哥史納莎唔係唔好，不過，領養一隻狗狗＝做左善事，就唔好介意佢係甚麼品種吧！佢地真係很需要一個HOME的！

八哥係一種又活潑又忠心既狗仔,易於同人相處,唔係咁中意吠,體形細小,好適合喺屋企養,你可以間唔中帶佢落街行吓, 佢已經好滿足喇, 但佢哋會經常甩毛, 你要常同佢梳理, 亦要考慮清楚自己或者屋企人中唔中意養狗仔, 因為養狗仔係一生一世喔, 價錢方面一般都要3~4千蚊左右, 有啲地方會買到2千零蚊, (但我都會建議先去一去愛護動物協會度睇吓有冇啲啱自己既, 因為佢哋都好想有人錫或者抱抱, 唔使孤呤呤咁喺個籠度咁慘)