有關轉校的問題..THX

我勸你今年不要轉，因為中二轉除非你有人事關係，否則在轉校時多半會給新見的學校一個印象是你操行不好或成績跟唔上才轉，會比較蝕底。我建議你今年讀好d，盡量拿好一點的成績，大約3-4月份就去打電話問同BAND的中學收唔收中三插班。如果有位佢會叫你比成績表及申請信。不過我知就較少插班位，要些運氣。
你選的2間程度同鄭榮之差不多，都是正路的選擇，其實想轉比理想的時間應是中三升中四，去interview時說因成績或選科，e.g鄭榮之有些科我想讀，佢無開不過你有開，所以轉，個理由會好聽d，interview時切忌說自己學校的不是，最多說唔夾，否則衰硬。
如果你成績持續中等，又冇人事，又真係好想轉，你可能都要屈就一下，去d band 2 頭的學校，你想，如果你成績唔突出，冇人事為什麼Band 1大把人來我要揀你！所以非必要就唔好轉，除非頂唔順。

你可以入賽馬會體藝中學,因為它特別注重藝術和體育.但係,始終你是讀鄭榮之,轉去賽體有一定的難度,因為好多勁人都搶個一兩個位.

林漢光和郭得勝都係好難,除非你有任何熟人在以上中學有地位.

青年會,聖若瑟或胡忠都無問題,胡忠最難入,青年會最易入.

講真確實係有點難度,不過唔駛灰心,只要你在這年勤力d,一定機會,因為當你轉校係直接去學校考筆試,只要你考得好,學校就會收,大約在暑假前或暑假頭的時候,你只需拎張成績表去該校,佢就會俾個筆試你(中,英,數),有些學校會要求你附上自薦信,只要你在筆試考得好而間學校有位的話,佢就會通知你,所以要在這年好好裝備自己,去轉心儀的學校!