✔ 最佳答案
生薏米同熟薏米嘅分別:
生薏米形狀類似紅豆,只不過唔係紅色,而係灰白色,兼且生薏米身上有條黑色直紋。
熟薏米就唔相同,熟薏米係成粒圓形白色,兼且比生薏米大粒一部以上,熟薏米亦都係身上有條黑色直紋,熟薏米經過加工後形狀好似一粒粒發泡膠咁嘅樣。
另一分別:兩者放落水到,生薏米係沉底嘅,而熟薏米就係浮面嘅。
仲有,生薏米性帶寒涼,熟薏米性帶燥熱,所以喺煲湯嗰時兩樣薏米都要落,落嘅份量亦都相同。
不過生熟薏米唯一有相同之處,就係有袪濕功效嘞。
但係,有便秘嘅人就剩係飲薏米湯或薏米水好嘞,同埋唔好食咁多薏米(渣),等陣搞到緊加屙唔出就唔好怪我,講真架有便秘嘅人食得多係會冇得屙架。
上面咪講過生熟薏米係咩顏色嘅......,基本上係唔會發黑嘞,但如果發黑咗咪唔好要囉。
仲有呀!下次去買薏米就要睇清楚啲薏米有冇發黑同埋聞吓有“憶”味至好買呀。
希望可以解答到您嘅問題啦。Thanks.
2006-10-19 15:10:52 補充:
我問咗我阿媽,佢話生薏米係有小小味,但應該唔係“憶”味,而係有小小旱味至啱架,同埋發黑咗嘅生薏米就積係壞咗,佢叫你掉咗佢,再去買過啲灰白色嘅生薏米至好食啊。