如果患上血尿、尿頻、及小便至末段時痛楚，應作甚麼檢查或測試？

你可以看看以下節錄自<成報>08- 04- 2006的一則報導:
http://singpao.com/20060408/feature/829547.html
[五種手術治結石
小便過濃 缺檸檬酸鹽 ]
泌尿系統結石包括左右腎臟、輸尿管、膀胱、前列腺和尿道結石，它是一種很古老的疾病，早在數千年的木乃伊身上已發現此病，故歷史甚久。
患者呈腎絞痛
仁安醫院泌尿外科顧問醫生兼泌尿中心總監陳龍威醫生稱，泌尿系統結石是一種惱人的慢性病，需要反覆治理。其成因頗為複雜，而且很可能是多種因素的合成。最基本的成因是由於小便濃度高，在結晶體慢慢積聚沉澱之下，變成結石。而其他成因還有體內新陳代謝出現障礙、不良的飲食習慣和檸檬酸鹽攝取量不足等。
陳醫生續稱，泌尿系統結石的症狀會因部位不同而異，腎絞痛是最常見的症狀，主要發生在肋骨椎骨角延至腹部，常見有噁心、嘔吐等現象。而血尿、尿頻、尿急、尿赤則是其他症狀。不過，部分患者或許沒有任何症狀，通常因阻塞或感染求醫，或檢查其他疾病時，無意間發現。
多種方法可驗病因
假若患者不找出病因所在，有可能會出現併發症，
例如：尿路阻塞、尿路感染（腎積膿、腎盂腎炎、後腹膜積膿）、腎衰竭、流血。要診斷泌尿系統結石其實一點也不困難，
陳醫生指出，可透過臨床症狀和身體檢查，包括：尿液及血液檢查、電腦掃描、超聲波檢查及膀胱內窺鏡檢查等。
5種治療結石方法
1）如結石太細，只需多飲水（每日3至3.5公升），令尿量充足，絕大部分都能自行排出。
2）體外衝擊波碎石術：適合腎結石及上輸尿管結石患者，成功率雖達70%以上，但是卻沒法準確預料手術後的結果。
3）輸尿管鏡摘石手術：用於阻塞性的輸尿管石，它屬於微創手術，身體不會出現可見的傷口。
4）經皮膚穿刺腎臟造碎石術：常用於大型結石，不用做外科手術，能將創傷減低。
5）切開手術：若以上方法皆不成功，便需接受此手術。
至於關於檢查:
仁安醫院泌尿外科顧問醫生兼泌尿中心總監陳龍威醫生亦是一位頗權威性的專科醫生, 他可能幫到你。
逢星期二下午二時半至三時半應診, 可致電保健中心電話預約: 26083170
http://www.union.org/new/tc_chi/services/services_specialities_urology.htm


而浸會醫院亦有"女士泌尿系統基本檢查"
http://www.hkbh.org.hk/b5/3210e_fe_uro.htm

你問得好好，又識得講番好多關鍵資料。
醫生幫你拍背，就係想知你有無腎臟有問題既獨特痛楚，因為腎臟有問題，後腰都會有痛，而呢個痛點被拍擊時會放射向肩部。
如果佢話係膀胱炎、尿道炎，即係佢已經排除左腎臟問題既可能性。

我幫你推理下啦。

血尿，腎病、膀胱炎、尿道炎都可以有。
但尿頻通常只有膀胱炎同尿道炎先會有。

通常醫生會幫你檢小便。
通常結果都會見到白細胞同紅細胞多，就一定有，因為有血尿就一定有發炎啦。
主要係睇有無特別既病菌，有無腎小管既結晶。
因為嚴重既細菌性發炎可引起血尿、尿頻等問題。
如果有腎小管既結晶，就要懷疑係腎有問題。

然後又應該做下超聲波，睇下兩邊腎有無石。
我估你個case係無既。

然後有兩個方法可以睇下係咪膀胱有結石，或者尿道有結石卡住(呢個機會低好多)
第一個係用舊方法，打d顯影劑入血管，一段時間後變成小便，個膀胱同尿道就會開始被染色，拍X ray就會睇到有無大粒既影係膀胱同尿道。

另一個比較簡單既方法，當然係內窺鏡，呢個方法對女仔似乎無咁痛，對男人就痛到死。

好啦，呢d就係查出你病因既現代方法啦。

答你另一個問題，如果你個問題係細菌性，就一定要用抗生素，如果你乖，聽醫生每次話食足一段時間，通常都無問題既。如果你偷雞食少左，或者以為好左就自己停服，咁就真係會令細菌有抗藥性。

以上都係以現代醫學角度答你既。

如果以中醫角度，呢個症叫做淋病(唔等於西醫性病既淋病)中既「血淋」。主要係因為熱毒走入膀胱經脈引起。咁中醫更係用中藥啦.....