點解望得耐紅色變綠色

✔ 最佳答案

無論望住紅色既物體幾耐都冇可能變綠色既
我諗你係想問
當你望住紅色物體一段時間之後
再望住白色物體
感覺上佢變左綠色

其實原因係咁既
視網膜之上有四種感光細胞
分別係桿、紅錐、綠錐、藍錐
桿細胞感光力強，好少光已經足夠睇到野
但因為只有一種，所以無法令人分辨顏色
而紅綠藍三種錐就能夠對紅、綠藍三個波長既光有最大反應
如果三種錐一齊俾反應
人腦就會覺得係白色

好啦，而家你望住紅色
咁只有紅色錐俾反應
但因為望得太耐
紅錐用晒佢既感光化學物質
而又還原唔切
所以當你再望白色
就只有綠藍兩隻錐俾反應
於是感覺上白色就會變得偏綠
但只要等紅色錐還原感光化物
顏色改變就會消失