請問要持股多久才可收股息?

簡單來說，只要你於除淨日前一天購入股票，並持有到除淨日，便可以收取股息。
例子：
鷹君集團 (0041)
中期息５仙，特別股息５元
除淨日期：10-10-2006
截止過戶日期：12-10-2006 至 19-10-2006
派息日期：26-10-2006
於除淨日09-10-2006買入，並於10-10-2006沽出股票，所以有股息收。
除淨日
「除淨日」係上市公司為咗做一啲同資本有關嘅工作(例如派息、供股...)而訂出嘅一個日子，呢日係「截止過戶日期」開始首日嘅之前兩個交易日(「截止過戶日期」可以係成個星期咁長)，如果你喺「除淨日」前買入間公司嘅股票，咁你仲有剛公布嘅股息收(又或者有供股權)；但係喺「除淨日」當日或之後先買，就唔會有。仲有，如果係講派息，咁有人會「除淨日」講成「除息日」；如果係供股呢，咁就會可以用「除權日」嚟叫呢一日。
派息日
「派息日」就係指呢間上市公司會派發已公布股息嘅日期。咁啲息點派呢？上市公司嘅過戶處會喺「截止過戶日期」後，向名列於股東名冊上嘅股東發出「派息通知書」，問吓啲股東想點樣入息(有人想收錢，又或者有人想以股代息嘛~)，又會講下如果喺期限內都唔回覆，咁呢間公司會將你啲股息如何處置。

直至除淨前持有股票 才可收息