中文讀音問題~~~好急～～〔勗〕〔成5〕〔色8〕

✔ 最佳答案

勗係讀「郁」，後唐開國君主叫李存勗。
另外(成5)、(色8)等等，係冇法子寫個音俾你o既。
相信你係查字典見到(成5)、(色8) o個d音。
廣東音有九聲，所謂(成5)，就係「成」哩個音o既第五聲。
例如以「成」為例，由第一聲至第六聲係
升、醒、勝、成、成5、盛。
頭三聲係陰平、陰上、陰去。
四至六聲係陽平、陽上、陰去。
七至九聲係陰入、中入、陽入。
有時有個音，係會冇個字，即係「有音無字」，所以就會有(成5)咁o既音出現。
所以，係冇法子寫個音俾你睇o架啦。
如果有得寫，都唔會用(成5)啦。