ndsl水貨同行貨點分呀

簡單方法係睇下部機乜野顏色.港版行貨只有4種顏色,而水貨會有多幾隻顏色可供選擇,e.g. 粉紅色、特別版ndsl(e.g. winning, pocket monster, ff3).
睇包裝盒就分到行/水貨,港版行貨會有香港代理「萬信」的貼紙,及中文版說明書最後一頁是保養證,內有萬信的地址.
其實就算係水貨ndsl,質素都好穩定,好少會話有玩兩玩就死機.
如果你部機係諗住粗用,尤其是比d細路仔玩,最好買行貨,起碼壞左可以有得拎去代理維修.
如果你諗住改機玩翻版,買水貨啦,起碼平少少,因行貨機改左機後便沒有本地保養.
不過白色勁易花,一定要加機套/機殼保護貼.L R 制會變黃,可能因是污蹟或手汗.
總之行貨會包埋個叉電器(x 1)、內置電池(x 1)、筆(x 2)、說明書(x 2,中英文各一)、及保養證(係中文說明書最後一頁)、手機繩(x 1),吾駛額外加錢.
如果你吾係太熟買遊戲機,最好去番吉之島或玩具反斗城等地方買,比較放心.
試機時,除左要睇下部機有無死點外,仲要睇下部機有無人之前試過機或用過,分辨方法係新機係第一次開機時,會有一個強制用家輸入nickname、time setting等資料之介面,及順手睇睇機底的serial no.與說明書最後一頁的保用證的serial no.是否一樣.
最好順手買埋screen保護貼,否則當用家玩完應援團一類game後,個screen會花晒.
行貨優點:有本地保養、及中文說明書.
水貨優點: 可選購其他顏色,例如黑色及粉紅色,但沒有本地保養,唯有拎番去game鋪維修或寄番去原產地維修.
不過nds的機好襟用,起碼耐用過psp.如果買水貨,特別要配番個香港適用的火牛,因兩地的電壓會不同,插錯火牛會燒機.

E+行版, 水貨都齊晒色

主要係睇跟機個叉電器,行版係3腳原裝任天堂火牛 水貨版係2腳的
仲有行版個盒係大d架
而且行版係貴過水貨百幾蚊到啦~