我想訂造傢俬...有邊間信譽好....?

信譽好與唔好呢...好在乎大家之間既溝通架
一個有經驗既營業員,同一個客戶,之間其實客戶有好多唔明白或者唔了解既野.
如果大家冇溝通清楚,都會有好多誤解.而導致比人投訴呀.或者被稱為黑店.其實好多唔同行業都一樣..
講返訂造傢俬啦.
如果你有朋友介紹固然之好啦.如果冇.你可以搵一D設計訂造傢俬鋪.行多幾間.格下價.睇下佢地D手工,同比較價錢.
當搵到幾間比較適合啦.你就睇下佢地之前做過D案例.同埋鋪頭裡面既傢俬,每一件既傢俬線條比例.再細緻D.可以要求佢地比D施工圖,畫出黎同做好之後D相.出黎效果會唔會好大出入.咁當然啦.你落左單之後.佢地都會出D效果圖比你睇既.D傢俬.可以要求佢地出D有比例既正視圖咁.咪可以睇到個比例囉..
但你顏色呢.就冇可以百分百配得好.要睇下佢現場D傢俬配色啦..(如果你唔信個設計師的話)
又或者你可能睇下佢地之前做o個d案例.如有d岩既.咪叫佢地跟住做囉..
始終訂造傢俬又好.訂造咩都好.都冇可能一定合乎你所諗既一模一樣既..
你可以去...
土瓜灣馬頭圍道~漆咸道北
北角 渣華道
沙田 中央廣場
荃灣廣場
深水步 青山道
灣仔 軒尼斯道(修頓球場對面)
將軍澳新都城一期
睇下啦...比較集中.
最緊要都係行多幾間.去比較.唔好急.
同埋過程中.自己要跟緊d.對圖紙款式唔好求其.每一尺寸睇清楚.有正視圖比例.出黎唔會相差好遠架.有咩唔明都要問清楚..例如
1.) 傢俬包唔包修口 (如果你想d傢俬有埋修口)
2.) 搬運上樓另加費 (如果你要抬幾級樓梯都要架,有車立就唔洗 )
3.) 設計洗唔洗另收費
4.) 櫃如果高度超過8尺.洗唔洗另加錢 (如果你櫃高過8尺 )
5.) 用既物料洗唔洗另收錢 (側如焗油/木皮/木紋紙/膠板 )
6.) 裡面用既係咩板料 (纖維板/夾板/實木/庶渣板)
7.) 衣櫃裡面做趟鏡洗唔洗加錢
8.) 櫃門面做鏡洗唔洗另加錢
9.) 櫃加鎖洗唔洗另加錢
10.) 衣櫃做內趟門.吊趟門.掩門都唔同價錢
等等....

我有個朋友做開傢俬的，我全屋都比佢做，唔錯架。你需要的話可以比佢電話你。

可以去實惠看一看

2006-10-18 20:54:25 補充：
或者通寶行手工都算OK地址於尚德商場2樓

去依家傢俬看看