煩問題~~

心話想照顧人~其實只係想對多佢幾面~多幾日二人世界~
不過好肯定講~如果你去左~一定會有事發生~
正所謂孤男寡女共處一室~下句自己都諗到啦~
就算你唔會~男仔都會啦~
有冇聽過一時衝動呀~

其實你都唔駛怕佢冇人照顧呀~
都咁大個人~烹個公仔麵都識啦~
如果仲要你連咁小事都擔心既~
我就會諗個男仔可唔可以照顧到你~

如果拍左好耐拖~去佢屋企訓冇問題架~
不過你要知道你父母係保守既人~
其實佢地咁都你為你好~唔想你蝕低比人~

個個家長都想保護佢地既仔女~
就算你幾多歲~
係佢地心目中都係一個小朋友咁~
覺得你未成熟~所以好多樣都會幫你諗到好遠~

雖然我唔知道最後你既決定~
但係顧住愛情既時候都諗下屋企人啦~^^

老實講 如果照顧唔到自己 又點照顧你呢 我覺得男人應該照顧女人多過女人照顧男人
至於點同屋企人講 咪話同fd唱通肖K囉 最簡單既做法 唔得既都仲好多野可以作啊
至於你話有冇危險 我覺得情侶做(果D)野唔出奇啦 驚都係驚在佢會唔會騙你0者 不過你都了解佢你應該知嫁啦呢D野 我覺得你思想都好保守囉

找個藉口呃屋企人. 如去同學屋企打牌通頂, 玩通頂...同同學一班人camp等等. 都係普通常用既借口. 再唔係, 先斬後奏, 通完頂再搵藉口, 如坐cafe 同朋友傾偈等等...

不過, 如果你決定呃屋企人. 都要有心理準備比人識穿, 亦要準備好要被屋企人對質問話既情況. 你自己果刻亦不能發脾氣, 要理性而客觀咁心平氣和地令父母覺得你懂得思想, 大個女, 生性, 識照顧自己. 再要睇下你屋企人所謂 "有d" 保守既程度去到邊, 因為其實可能你處理得好, 講得佢地明白, 接受既話, 可能會改變佢地既思想. 必要時話過夜都有幾個朋友, 唔係一男一女. (唔建議, 要你自己決定是否適用).

再者, 如果你決心去你男友家過夜, 你要有準備佢會想同你 (可能你已經想) 同佢發生性行為. 要稔定方法拒絕 (如你不想. 可一早講明!! 因為呢個時候極需要同佢明言直接地坦白). 若要攪野, 亦要安全. 一定要佢買同戴套, 並小心檢查個套有冇響穿戴過程中破損 (因為你地係生手, 可能因不正確使用而令套破損). 一切小心為上, 不能過於怕醜, 同唔好意思.

若你今次成功過夜並快樂, 要知足常樂, 切忌太快籌備下次. 若過夜不成, 亦不必太唔開心. 同父母溝通多o的, 慢慢增加佢地對你既信任同認為你識稔, 可以基本地照顧自己. 父母並不好騙的.

好好想清楚呢~

你同你家人討論,話唔定你家人比你去你bf度呢!
如果你騙你家人,你自己想想後果啦!
可能以後都唔比你去你bf家呀!
嚴重的可能要你地分手收場呢!
你自己想想吧!!

你問心..係咪真係為左照顧佢咁簡單呀?
如果係的話, 咁大個人唔洗你照顧啦, 你亦都無需要呃屋企人去佢屋企訓~
如果問題唔係咁單純, 你係咪想問婚前性行為?
我個人認為要視乎你年紀勒, 而且一下子的衝動會帶來好多意想唔到既後果, 雙方要有能力同願意負所有責任要好哦~
提提你..16歲以下就算雙方自願既性行為都係犯法架~

咁你最好先同你屋企人講返你bf屋企無人照顧佢而你又好怕佢唔識照顧佢自己,所以想去佢home take care 佢,睇吓你屋企人俾唔俾去佢home sleep.因為我唔知你之前去旅行係only同bf定係有other friend, so i can't make sure你屋企人嘅態度, 但係你屋企人放心俾你only同bf兩個人一齊去旅行嘅話,問題便不大.
另外你如果真係care佢都唔一定要sleep係佢home, 你可以有空便上去佢home睇吓佢or cook something to him, 我想唔過夜你屋企人都不會太反對.

最好小心翼翼為上，最多幫他做家務，做完立刻回家，男人可能都忍唔住呀。

你自己攞嚟煩, 佢唔識自己照顧自己嗎, 佢屋企人都夠膽,夠信心放低佢去旅行, 你自己多鬼餘, 先照顧你自己的屋企人吧....
你驚佢冇飯食, 你最多叫佢去你屋企同你家人一起食, 驚佢d衫冇人洗, 叫佢拿到洗衣店洗, 不要找藉口去佢屋企睡, 吃虧的只會是你, 這裡沒有人支持你的...

咁大個人唔識照顧自己, 咁點照顧你呢??

點同屋企人講好呢...講大話囉
去佢home sleep有冇問題呢?!?!? 小心d囉