新手問股票問題?

以你的性格保守, 現申請二手才穩得一手工行, 如果保留10,20年後先放, 其實都是所賺無多(整體資產計);
選擇優質增長股, 都要趁低增持, 才能獲得厚利; 2628,3328,939.3988等中資股, 在現價追入, 都會有捱價的可能, 如果你用平均成本法, 儲蓄多些錢, 每一注本錢約四萬元, 分段投資或選擇適合你的基金, 每月供款, 較易獲得厚利.
個個人都想賺大錢, 只是各人的方法不同, 其實力不到不為財, 增加自己的個人分析力, 才有正確的選擇.

如果你係保守的，我建議你買匯豐好過，因為派息又穩定，又有保証。你所提及的中資股，可能在價位上會有一個較明顯的升幅，但係派息方面無保証，相對又小，有可能匯豐派息一次相等於中資股一年的利息。

買股票係要睇質素同前景,當中係有好多未知數,就算今日滙豐好似好得,但冇人可以guarantee佢喺20年之後嘅情況。
如果你揸住一舊錢做定期,只要你存錢間銀行冇執到,10、20年後舊錢仲會喺度,但股票就唔同,佢嘅成敗受好多嘢影響,市場、法規同管理人嘅質素。現在滙豐嘅成績,係能夠保持到管理階層嘅高質素,如果呢樣嘢keep唔到,滙豐都一樣死得。當中唔係只係講機會成本咁簡單,唔只係買平買貴。你望下8號仔就知道,管理層唔同咗可以對一間公司嘅嘅影響可以大到點樣。以前(唔係講2000年買賣)仲係大東嘅年代,夠好多人淨買8號仔,諗住靠收息退休。

講番你提及嘅中資股,其實質素並唔係現在佢受歡迎嘅原因,而家咁行,主要係大家買大陸會更家好,而佢哋又咁大隻,連d外國投資者、基金都買,肯定唔會蝕本,所以人人爭住買。我都覺得應該唔會蝕,但要去到滙豐依家嘅規模,仲要好長嘅路,點去搵好嘅管理階層、點樣制訂同implement公司管治,中資股仲有排學。

最後一句,買賣股票唔係你覺得佢好就可以收埋入抽屜過人生,要不時留意住間公司嘅消息,分析佢好嘅地方,當市場有變、或公司出景出現問題(但唔包短期波幅),當中包括經營環境嘅法律法規轉變,就要先行沽出股票。呢d唔止係賺多賺少嘅問題。