究竟去峇里,浮羅交怡定宿霧好??

浮羅交怡我就未去過...其實最重要係你究竟想點?
首先講泰國, 如果for shopping當然又平又靚, daytime可以行大既shopping mall, 舒舒服服乾乾淨淨又唔係太貴, 分分鐘執到好野。夜晚又有行到腳都軟都行唔曬既夜市, 價錢又平款式又多要乜有乜, 做手信或自用都一流, 只要你肯行就一定會買到好野，撞岩weekend既話，仲可以去埋weekend market啦！至於食方面，就算去ｄ高級ｄ既地方食都唔會話太貴(可去The Dome, Set Dinner都係$2xx-3xx, 淨係食個環境都已經抵番)至於食平野方面，如你的腸胃唔係話太差，一般食街邊野都唔係問題，仲好好食添；又可去唐人街食魚翅燕窩海鮮，價錢亦很平，但就搵ｄ信譽好既鋪頭食(無理由山長水遠食ｄ假野啦）。陽光海灘方面，如果唔係咁好就唔好蹝時間去，因為如果要水清沙靚（但靚極都唔會建議你潛水，因為唔係太多靚野睇）就要遠離（３小時）曼谷市中心，例如沙美島（Shopping欠奉）會去個度度假，水和沙灘都很乾淨又可嘆下resort和spa，不過曼谷市中心都有很多特色很靚很乾淨又平既嘆Spa既地方。
宿霧就當然係潛水（綠藍色既海水，一眼見底，珊瑚亦靚到不得了）勝地啦....但沙灘就有等如無（因為處於印度太平洋海域既問題，所以無乜沙灘），所以多數都係租船出海游下水、潛水和餵下魚。食方面呢．．．真的不得了！有手掌咁大既鮮鮑魚、前臂咁粗咁長又多膏既瀨尿蝦、賓仔即潛即開既海膽（雖不能與日本的比較但都鮮味無窮）還有很多未見過的特別貝類海鮮，但所有食物都會以燒烤為主。地度的菲律賓菜必定要試：牛骨湯、燒豬比都好好食。Shopping方面呢，個度有兩個很大很大的mall，價錢亦平貨品都很ｏｋ；夜市呢就忠告一句，小免則免因為始終地方比較窮困所以亦較品流複雜，去下水果街行下Mall就ｏｋ；在麥哲倫像附近亦有很多手工藝品買：很平很平。
其實３度都很好玩，你林林啦．．．決定左去邊度先啦？

2006-10-18 21:00:49 補充：
如果最後你真的選擇要去浮羅交怡, 我本人認為你轉去沙巴會更好玩...

而家嘅時候去浮羅交怡啦,嗰度有夜市買好多平嘢(我指地道嘢),
又陽光與海灘,又可以玩水上活動,不過就冇大型shopping mall!