板前定係峰壽司好食D?

分別：

1) 板前舊飯細舊；峰壽司正常Size
2) 板前啲飯冇咁酸；峰壽司啲飯較為酸

款式真係各有特色，材料都好食

價錢都係差唔多, $9-$35一碟 (特別款式除外)

自己鍾意板前多啲，因為唔鍾意峰壽司啲壽司飯

我覺得峄壽司好味ｄ．．．．雖然好多人排隊．．．不過可以一邊行街一邊等．．．．

你說的兩間都會好多人排隊.有排等.唯一係板前有馬肉吃比較吸引~如果你唔係專程去吃馬肉~我介紹你去羽壽司好過.又唔使排隊,質量又好.我吃過好多次,都冇話會走樣的.

剛剛於旺角開設第三間分店的羽壽司，刺身由壽司部總廚黃志倫打理，並從日本每日新鮮空運八款當造靚魚，當中包括石鯛、伊佐幾、赤鰤、鱸魚、鱧魚、鰹魚、虎魚以及真羽太，全部刺身每碟賣$100有五件，壽司$35有兩件。當中最矚目可算是真羽太，每條有成一米半咁長，戙起仲高過門柄，分量十足。不過由於產量少貨源極難搵，所以迄今為止都係入過兩條咁大把。小弟特意去足兩日，始終同呢條大魚緣慳一面，有心者不妨試碰運氣，睇同條大魚有冇奇緣。

石鯛 $100（五件） b

原產地：本州一帶

當造期：三月至七月

解　說：外形黑白相間，令人聯想斑馬。魚味清甜，肉質結實爽口，所以會比一般刺身較為厚身，薑蓉、花、酸汁是石鯛的最佳搭檔……點解會有個女忍者後面覺？難道係隨碟附送？正喎～

鱧魚 $100（五件） b

原產地：北海道

當造期：六月至八月

解　說：屬海鰻科一種，不過尺碼就小得多。外形細細長長再加上多骨，若果做刺身的話都幾麻煩，所以一般都會從兩邊起肉再燒至七成熟。味道香甜得來有點鰻魚feel，肉質滑不留口，鰻魚fans必試。

赤鰤 $100（五件） b

原產地：北海道南部

當造期：四月至八月

解　說：雖然叫赤鰤，然而與常見的鰤魚並不屬同一科。外形幼長似針，魚肉部分呈現鮮嫩紅色，肉質適合用來做薄切，味道以清甜為主，醬汁可用酸汁、檸檬、辣蘿蔔蓉三者混合，令魚肉鮮香更加突出。

鱸魚 $100（五件） b

原產地：本州一帶

當造期：六月至八月

解　說：魚肉雪白呈半透明，魚味清甜，肉質結實爽口，拿來做薄切實在一流。蘸少許酸汁、花及辣蘿蔔蓉，就更能突出魚肉的細膩。

鰹魚 $100（五件） b

原產地：北海道

當造期：六月至八月

解　說：魚肉呈深紅色，肉質煙韌，油分重之餘魚味濃郁，極適合做厚切。師傅特別將魚皮火炙，食起來帶點微微焦香，蘸少許日本豉油及芥末就更覺美味。

伊佐幾 $100（五件） b

原產地：本州一帶

當造期：五月至七月

解　說：產於本州中部以南的小型海魚，魚肉白中帶紅，味道非常鮮甜，肉質煙韌有口感，最好避免用豉油及芥末，蘸少許酸汁、薑及辣蘿蔔蓉就剛剛好。

同場加映：當造壽司

赤貝壽司 $35 b

來自扎晃的赤貝Jumbo版，經日本專人挑選試味，所以大得來仍然嫩滑有彈性，不似一般赤貝有「愈大隻愈口鞋口」的情況，非常難得。

磯燒秋刀魚壽司

日本有專人將新鮮秋刀魚起肉，燒好後才運來香港，蘸少許酸汁、薑及辣蘿蔔蓉一齊食，更能突出魚香，味道層次感豐富，難怪在當地非常受歡迎。

私房菜刺身藝術

位於灣仔的日式私房菜SAE，食物有水準夠特色，所以一直以來都有不少捧場客。今次亦順應這股當造潮，在日本空運多款魚類及貝類刺身。除了以時令取勝，馬師傅亦花了不少心思，每一客刺身都裝飾得美輪美奐，成個藝術品咁款，影完相都唔捨得食。每日貨源有限，賣完即止，要感受這分講究的刺身美食，就要快快訂位了。

魚 時價 a

原產地：本州

當造期：六月至八月

解　說：東京灣附近常見的小型魚，肉身呈淡淡粉紅，腩位油脂比重較高，所以肉質非常軟滑，魚鮮味亦頗為濃郁，蘸少許日本豉油及芥末就最適合。

鬼虎魚 時價 a

原產地：能登半島

當造期：六月至九月

解　說：背鰭含有劇毒，所以會先去鰭才送來香港。凹凸不平的魚皮煙韌爽口，一般都會連皮做薄切。含油量少，肉質味道清甜優雅，配上金箔進食就更具氣派，醬料首選為青檸檬酸汁，能夠突出魚肉的細膩。

（魚參）魚 時價 a

原產地：本州近東京灣

當造期：七月至八月

解　說：魚參魚擁有中等身材，以肉質幼細、味道鮮甜濃郁見稱。醬汁可用豉油、檸檬、辣蘿蔔蓉三者混合，少許的酸辣味道及檸檬的清新，最能配合魚參魚的鮮香。

（魚高）（魚參）時價 a

原產地：本州近東京灣

當造期：七月至九月

解　說：外形大大隻夠晒分量，難怪亦有人叫它做「大池魚王」。腩位油分重，魚味濃郁而非常持久，落肚後鮮香仍在口腔散發，餘韻悠長，值得推薦。