綱上用信用咭購物有甚麼是特別需要注意的?

我自己間中都會上網付費,希望可以與你分享。

一般銀行都會有相應嘅措施。以我為例,我向恒生(好多間銀行都有)申請咗張e-shopping card,係一張虛擬嘅信用卡,個limit喺我自己嘅主card分出嚟,但個limit係我自己set嘅,通常我就set到得好低,咁就可以減低被hack時候嘅損失。同埋呢張咭(應該係間間銀行都有,但我唔敢肯定)係要做一個security code,咁喺我比錢嘅時候,我要自己打埋個security code落去,咁又可以減少被人盜用嘅風險,當然啦,你自己要做管好呢個security code同間唔中都要轉下。

總之都係嗰句,做online transaction一定要小心對方可唔可靠(如果唔係好知對方嘅身份,我寧願唔做),同埋自己要做好預防措施,要定期update自己嘅防毒同保安軟件。基本上都算安全。

至於銀行查詢,主要都係搵番你嘅發卡銀行嘅customer service。

用信用卡網上購物同你出街購物其實無大分別, 唯一唔同就係無左個售貨員同你對簽名, 改為用電腦系統去做. 整個過程最終係驚會有人盜用你的資料, 導致金錢的損失
主要有三方面你要留意:

資料傳送中途被截聽 - 所以你填資料果一版一定要有用最基本的加密技術, 例如用 SSL, 即係在瀏覽器下角會出現一把鎖仔. 如果無, 你千祈唔好填!
填個人資料的時候已經被截聽 - 例如你使用的電腦給安裝了間碟程式. 所以, 你不要使用公眾地方的電腦. 甚至自己家用的電腦都要定期更新防毒軟件.
在網站內的個人資料被盜取 - 作用一個使用者, 這一點無辦法預防, 唯有講個信字. 所以你一定要選擇信譽良好的大公司/大網站, 如果只係得個網站仔 (特別是國內那些), 連網址都未聽過, 就不要使用了.
如果萬一真係咁唔好彩, 懷疑資料被盜用, 要第一時間通知銀行咭中心, 備左案先, 否則日後要追討就麻煩了

千萬不要在綱上用信用咭購物 因為會俾黑客偷去你的資料
用你的信用咭買其他野的 為咩要省下幾步路而冒險呢?