我想問下,史納莎是不是玩具size同難唔難養~~~~

唔純種的話(即有d雜咗)就個半階磚位, 手比較長, 超純種的話身比較細, 女仔的話再細d, 而家普通pet shop賣的都雜左, 要搵靚又細身既好難, 紅蘿x及qpet果d史立沙貴d, 但係純種的, 身型比較細, 同健康有保障, 亦好似係澳洲入口, 不是local的, 有出世紙! 第一次養狗養史立沙ok, 因為佢地都好聰明, 易教, 所有未夠兩歲的狗狗都過度活躍(除咗chow chow,不過我都見過chowchow bb時好曳), 好鍾意咬野及作反, 跑黎跑去做下運動, 史立沙唔難養, 教識咗去toilet後, 唔困籠都得, 狗仔唔困籠唔會成日吠, 細個吠少左, 大個都唔會成日吠, 咬野嘛, 梗有架喇, 睇下佢破壞力有幾強啫, 我果隻都成日等我坐底之後担走我拖鞋啦! 不過最好由細教到大啦, 你一喝佢佢要識得停同坐低囉, 大左有反抗能力就話之你架喇! 鬧佢時唔可以用雞仔聲, 要用好沉既聲線鬧佢, 咁佢就會驚d, 雞仔聲佢會鬧返你架! 多d同佢傾計, 當佢人咁, 佢雖然唔識答你, 但佢知你同佢講野架

其實點解你唔去領養一隻狗狗，你知唔知Ｄ寵物店全都是Ｐ人的，領養一隻狗狗可以令狗房多一個位比令１隻狗狗，如果人人都去買一隻，Ｄ小孤兒就好唔快樂了，雖然不是什麼名種狗，但你去領養一隻狗狗比你去買一隻狗狗好呢！
我隻狗狗都是領養的！去香港愛護動物協會(SPCA)有得領養貓貓或狗狗
領養一隻狗狗，＄平好多添，不要看小唐狗，因為我都是領養唐狗，史納莎唔係唔好，不過，領養一隻狗狗＝做左善事，就唔好介意佢係甚麼品種吧！佢地真係很需要一個HOME的！

唔難養~~ 我隻莎仔已經七歲幾~ 要知道史納莎好clever, 只要你肯俾愛心同耐性教佢~ 佢好快識~~ 不過如果你個人比較豬~ 佢會耍番你轉頭~~ 好勁~~

我都係養緊史納沙, 9個月, 狗仔。
超麻煩, 日日好似同佢打仗咁, 全屋四圍跑 ( 唔係走 ), 乜鬼都會咬。
但好聰明, 容易受訓, 大小便好易教。
據說在一歲前, 多D住狗籠, 控制食糧, 就唔會變得太大只。

史納莎較活潑好動，你要多D成日陪佢玩
1歲個陣，鐘意咬野，木呀紙呀，要小心
但係史納莎有個弊處，就係容易有皮膚敏感，注意衛生同飲食就無問題
一般size比西施大一個碼，但都屬於玩具犬size
有興趣交流下，我都有養史納莎,快3歲
msn: [email protected]