✔ 最佳答案
3既優惠我就唔係好清楚, 但上個星期我係one2free出咗兩部6280機價每部1288, 係等四個月再一次過回贈200元落你個a/c, 計落機價都係1088, 而佢只係要求你用98元的月費, (900基本分鐘 + 700 手電傾)共1600分鐘, (手電傾即係手機打比手機)用多左先至扣基本, 我個人覺得好過話比網內或心連心既分鐘, 因你未必知人地係邊個台, 所以我覺得化算d, 另加簽15個月合約同要用一個15元的增值服務, 都係15個月, 而我就選左個20元的增值服務組合, 係傳動廸士尼頻道月費組合, 可以一個月內免費下載disney既彩色wallpaper, screen saver, 聲色短訊, 我計過連埋隧道費一個月(98+20+12)130元, 佢話要用大新信用咭, 但我嗰日唔記得帶咭個職員都話無所謂都比我呢個優惠, 唔知幫唔幫到你。
2006-10-18 17:04:27 補充：
應該無問題, 個日我係用aig信用咭, 我都有問佢唔係一定要用大新信用咭咩, 佢話可以唔使。你會唔會用3g, 如果會佢宜家仲有個平d既優惠係688元出機, 但你要用138元以上既3g plan 20元既增值組合 12元隧道費, 總數 170元一個月, 但唔記得要簽15定24個月約, 因為3g(視像)對我無用, 所以我選擇用1088出機 98元月費的 2g plan, 你可以打去one2free既hotline 問問詳情, 電話係25123123, 我用左個電話一個星期有多都覺得唔差, 希望這些資料可以幫到你。
2006-10-18 21:55:55 補充：
隧道費係每間電訊公司同每個月都要收架, 除非妳用儲值電話咭就唔使收。
2006-10-18 22:12:16 補充：
我老公之前用3個台明明話35元一個月結果埋單要2佰幾, 我老公都費事同佢勞氣, 轉去one2free算喇, 而one2free可以係網上睇番上個月傾左幾多分鐘同打過d乜電話, 所以我完左合約都無想過轉台, 咁啱佢買機有優惠, 所以咪買機囉, 要簽約都唔係問題, (我唔係佢地既職員嚟架,我亦唔係同佢賣廣告架, 我只係一個普通既師奶嚟咋), 不過我都用過晒其他台, 始終都係覺得佢好d, 我己經左佢好多年喇, 我姑仔之前用smartone, 後來都跟我轉左用one2free。其實你都可以再睇睇其他電訊公司既計劃會唔會更適合你再決定都未遲。
