解世界上咁多d口臭既人,一d都唔識係人地到唸

現實D講句..
係香港..樣衰係有罪架..
話咩「個心靚就得..」呢D..
絕對係自己呃自己GE諗法..
冇得解..現實係咁殘酷..
你要接受..

不過我唔係叫你等D人黎串你都唔理..
因為我有個FD成日俾人串佢樣衰..
佢都試過好唔開心..
但唔開心黎又有咩用..???
你唔開心..人地會知咩..?
就算知左都唔會理你感受..
盞串多你2句..話你冇用..
所以唔可以咁懦弱架..

首先..
你應該執執自己個樣..
即係..搞返好D皮膚..
剪返個型D GE頭..
再轉一轉D 3..
大把時裝雜誌俾你參考啦..

第二..
你要搵出一D你自己GE潛能..
再加以發揮..
咁樣..人地就會開始搵到你GE優點..
唔會再咁留意你D缺點..
我地級..有個男仔都唔好樣..[我俾 -9分佢]
但係佢數學好叻..
全部理科班GE人都覺得佢超勁..
同埋佢又搞笑..
所以都同D同學好玩得埋..

樣衰係唔係會溝唔到女呢個問題..
好難答你..最近得知果個男仔有女..
我都嚇左一跳..
唔會話一定溝唔到女GE..
其實係唔可以用個溝字囉..
因為你溝人..人地通常都睇樣先..
你只可以俾D女 FEEL到你GE好先..
咁人地先會同你玩..接受你..

不過唔好有期望會有一個美麗的女朋友..
因為好多香港女仔都係行靚仔主義..[包括我]
雖然話人品好重要..但係如果條仔個樣唔得..
行出街會俾人指指點點..

可能你BEAR唔到我講呢D野啦..
[因為正常網友會安慰你先..]
但係要知呢D係事實!!
電車男同愛瑪仕呢D絕對係萬中無一..
所以..你都係改造自己先-3-..

** 如果HURT到你..SORRY..

非常中肯

我估你都係讀緊中學吧, 通常到這個階段的人心志仍然未成熟, 唔懂得從他人的角度諗人家的感受, 所以見到朋輩間都串你, 佢地就算唔識你咪都跟著串你lor, 可能也未必關個樣事, 所以而家你能夠做的就係不必理會他們, 讀好自己的書 (這一點是求學時期最重要的事), 不要因為這些事而影響到你的學業, 中學時期其實好快就過去, 將來你回頭看返而家這件事其實微不足道呢, 我而家已出來工作了, 以前我也好似你咁, 成日有人串我樣衰, 不過我自問個樣都唔差ga, 完成左中學, 離開左個班人, 讀到大學, 跟著都有唔少人追我, 讚我靚女ga, 哈哈, 不是講笑, 我講真的, 至於你問點解唔樣衰都比人話樣衰, 那可能係有人睇你唔順眼啦, 我以前就比其中一個八婆眼唔順眼, 佢又同d人好friend wor, 咁所以其他人咪憎我lor, 至於你問, 樣衰溝唔溝到女呢? 我就覺得讀書時期就唔好諗咁多啦, 到你讀書, 事業有成, 又有錢, 你點樣衰都有女自動送上門啦, 好多女仔都唔係睇樣ga.

其他人要串你
其實係唔需要理由o既
試諗諗一個你唔識o既人
佢樣衰樣靚同你有咩關係？
你又會唔會咁得閒因為佢個樣走去講咁多廢話？

所以重點係佢地想以取笑你取樂
同你個樣係好係壞其實可以係全無關係
建議你都係唔好理呢o的無聊人
因為佢地見你無反應通常都唔會再玩
識番o的正正常常o既人
如果唔係就算你幾咁靚仔
但永遠聽住其他人話你樣衰
咁係人都會慢慢失去自信la

p.s.其實一個人個樣、個頭、身形、衣著
係好多地方可以執執o既
如果你真係對自己外表咁無信心
不妨去轉下自己個look
最重要真係唔好咁易諗住放棄
你十幾二十歲大把野都未試過
大把人都未識過la
人生唔係你所睇到咁灰o既

我個人認為,人家將你貶低沒關係,最重要的是你不應該小看自己。

人家說你「樣衰」,你是否真的「樣衰」？如果你自問不是樣貌出眾的人,你便得從自己的待人處事態度著手。人家貶斥你,你便要照單全收嗎？我很明白每個人從呱呱落地這一刻到現在進入人類的鬥獸場開始,稱讚和批評,特別是批評,真是少不了的;問題是你怎樣看待這些批評。批評這東西,有則改之,無則加冕而已,不必太執著。

最後,你不可以因為人家對你的貶斥而自尋短見,這是不理智的行為。你應該積極面對,做好自己的份內事,甚麼批評你都安然接受,勿放在心裡。這樣你會舒服一點的。

係會溝唔到女, 因為你個心態係想'溝'女.

但係如果有一個美麗的心, 一定會找到未來的伴侶

你覺得人地唔响你度諗既時候, 有冇反省自己有冇响人地度諗? 如果你用呢個道理日日反省同自我鼓勵, 一定會有女仔留意到你既細心同好心腸.

係唔關個樣事的.

如果咁多人對你有咁既印像，你係唔係要先自我檢討一下呢

大左比心機搵錢,
去韓國整容