請問邊種狗最易養(包括打理,體格健康,等等...),

其實點解你唔去領養一隻狗狗，你知唔知Ｄ寵物店全都是Ｐ人的，領養一隻狗狗可以令狗房多一個位比令１隻狗狗，如果人人都去買一隻，Ｄ小孤兒就好唔快樂了，雖然不是什麼名種狗，但你去領養一隻狗狗比你去買一隻狗狗好呢！
我隻狗狗都是領養的！去香港愛護動物協會(SPCA)有得領養貓貓或狗狗
領養一隻狗狗，＄平好多添，不要看小唐狗，因為我都是領養唐狗，唔係唔好，不過，領養一隻狗狗＝做左善事，就唔好介意佢係甚麼品種吧！佢地真係很需要一個HOME的！

西部高地白爹利吖,佢個樣超可愛,我而家都養緊,即係西莎罐頭果隻,最緊要佢係好友善又好健康,醫生話西部高地白爹利係無咁易病同埋會自己康復,而且D毛係硬毛,平時落完街用暖水幫佢抹一抹肚仔已經ok,耳仔又尖尖咁,一要人抱就攬住人隻腳彎晒腰咁扭人抱咁,佢成日都痴住我ga,尤其是見到小朋友,會療佢地玩,一帶佢落街見到其他大狗就會好熱情咁衝過去同人玩,見到細狗就會懶醒咁做大佬叫人地跟住佢跑,佢無時停架,運動量好大,見到陌生人唔會吠,但如果見到其他人傷害我(即係佢主人),佢就會係咁吠同埋衝過去想阻止果個人囉~
而家終於明白狗真係好有靈性ga!

其實每一種類既狗,未必個個性格/體格/健康都一樣架喎,好似人咁,就算兄弟姊妹都未必同啦,睇你點敎,敎得好就好,敎得唔好可能有反效果,好似我隻西施狗咁,佢係自來既,自來時三四個月大度啦,乜都唔識,但我無乜點敎過佢,當人仔咁對佢咋,但佢又好乖,好靜架,有時出街見到有D西施好鬼惡,好嘈,仲試過室驚無神咁咬左我個囡個鼻添,咁你話其實係咪天生架後天呢

吉娃娃,可愛,體形細小,黐人,性格開朗活潑

agree ! 請領養可憐的狗狗 !

西施都好，佢地不會太大隻，我有朋友都養西施，好乖．

唐狗, 易教, 聽話,醒目. 易養. 不過算大隻.
細隻狗, 可以養松鼠狗. 不過要小心打理. 同埋超黐人..