將軍澳好住嗎

💬 吹水台其他 - 香港

Choi

2006-10-17 6:13 pm

將軍澳好住嗎?

Which part of 將軍澳好住D?
東港城? 新都城? 尚德村? 坑口? 寶林商場? 都會豪庭? Or other parts?

回答 (7)

用戶88089

2006-10-17 8:13 pm

✔ 最佳答案

買樓同租樓諗法唔同嘅,要比意見都會唔同。
將軍澳以新市鎮嚟講,都算交通方便,但係人口密度好高,撞口撞面都有係人,呢點你要考慮一下,假如想喺屋企附近食飯,搵位好難,因為你會連西貢d人都落埋嚟(最近呢度)。

如果買樓,你要諗下將軍澳嘅住屋空置率相對地高(仲繼續起緊tim),所以樓價都係易跌難昇,如果係買樓都要考慮埋呢幾個point。

如果租樓,好奇怪,就係d租又唔見得好平。所以你係唔係一定要揀將軍澳區呢?如果係先再睇落去。

將軍澳暫時嚟睇就係三個地鐵站, 將軍澳站(包括將軍澳中心、城中駅一帶私樓,尚德就遠d)、坑口(蔚藍灣畔、南豐廣場、東港城、富寧花園)同埋寶琳(新都城)等等,遠d仲有翠林,不過就唔近地鐵站。

講方便三個地區都差不多,都有地鐵同巴士,再有小巴,小巴就以坑口比較多。

講購物,以寶林新都城嘅購物商場就最大型,包括有全港最大嘅百佳同千色店,東港城同蔚藍灣畔就係兩個商場唔係好大,但有吉之島,將軍澳嘅面仲係發展緊。

講人口密度,好肯定話你知,坑口人口密度係最高,周圍都係人

講社區設施,好肯定係新都城最好,因為泳池同圖書館都喺新都城附近

講醫療,將軍澳唔知,但寶琳同坑口都有政府診所,而將軍澳醫院就喺坑口。

大致上喺咁,始終都係你自己揀。

👍 0 👎 0