請問我想搞澳洲元定期,到期時收回港幣,定還是外幣呢?

做外幣定期同做港元定期一樣道理, 去到到期日果日你可以take返d 錢+利息。你用邊種外幣做定期, 到期果陣就收返果隻外幣, 銀行唔會無情情同你對返hkd俾你。

大部份bank, 只要你係佢果度有户口, 佢都唔會收你買賣外幣既手續費。不過要留意既係買入同賣出外幣既rate唔同, 中間既差價就係你既成本。

不過依家市場上有好多叫做「外幣掛鈎定期存款」, 果d 唔同一般定期, 當中有投資成份係度, 到期果陣要睇返你做果隻外幣既價位升左定跌左黎決定你take返hkd or 外幣。當中風險比起一般定期大得多。

其實有冇特別原因你要指定做澳元(AUD)定期呢? 有d人因為佢長期都會持有果隻外幣 (e.g.有屋企係外國讀書,好價果陣買定D 外幣, 未用得著果陣就做住定期), 另外有D人鐘意做外幣定期因為鐘意佢息口高過HKD, 不過你要留意返所得既利息夠唔夠cover買入賣出外幣既差價, 如果唔係就蝕本架喇。

p.s. 你要開個外幣户口先可以keep住d外幣係銀行。多數外幣户口都係綜合, i.e. 可以save多種外幣。

如果你想買澳洲元做定期, 咁你一定要有一個外幣account 在你的銀行.
ex. 1.你用港元買入澳元,
2.之後開一個定期戶口, 將你買入的澳元存放
3.可選擇做一星期, 一個月, 半年.......(interest rate will be different)
4.到期後會存入你的外幣account或可以繼續做定期.
如果你想入番港元,只要放左d澳元轉港元便可

* P.S: 雖然澳元定期息率高, 但要留意exchange rate....可能有損失.

以上買賣可以於internet做 (online banking), 基本上你開左account之後,都無咩手續費, 因為銀行係賺買賣差額. 詳情最好問你間bank或投資顧問....

咁你有冇需要用澳洲元...
如果你冇需要,咁你點都要換回港幤..
如果你想收回澳元...你記得開定一個澳元儲蓄戶口...
否則你想要返澳元都未必得...

手續費每間銀都不同,你要問清楚...
但滙價你都要看清楚....