✔ 最佳答案
我都試過呀
你既感受我好明白
我都比人搶走過
而且係最好既好朋友^^"
我到依一刻我都好愛果個男仔
以前我會好憎個女仔點解要咁做
不過時間耐左
我都開始諗
究竟係個女仔出現先會變成咁既關係丫
定係女仔未出現我地已經有問題呢?
老實問一句
搶佢返黎之後,你會唔會心入面有條刺呢?
會唔會一齊返之後令你更辛苦呢?
既然個男仔都可以咁對你,其實佢都唔係好愛你姐
我相信你係一個可愛而且令人開心既一個人
係咪真係冇左佢而唔得呢...或者冇左佢之後會過得更好呢?
不過若果真係要得到返佢既
就先要有心理準備你要受好多傷害同埋將來都會有可能出現千千萬萬個第三者
我唔敢講邊一種方法係可以令你得到返你男朋友
首先最清楚你男朋友既,一定係你而唔係我地
但要記住唔好做一個怨侶同埋苦苦痴纏
因為咁做只會令你男朋友覺得你煩...
或者細心諗下係咪之前你地已經有好多問題出現
針對依d問題去改善
加油!!!