我想問下技巧電髮同埋陶瓷曲髮有咩分別啊?

數碼勁鬈　負離子傷髮
電髮分冷熱效果各不同


曲髮熱潮席捲今季，有髮型師表示「今年同明年都會興曲髮」，但各種曲髮處理方法的效果、所適合的髮質均有所不同，消費者應先了解，例如陶瓷曲髮能予人溫文成熟感覺，並且最適合髮質受損人士。



又一城Esprit Salon髮型師Dickson指出，近年引入更多曲髮種類配合顧客要求。他說，市面上曲髮類型大致分為冷曲髮及熱能曲髮，前者只使用電髮藥水令頭髮鬈曲；後者則分為數碼曲髮、負離子曲髮及陶瓷曲髮。

Dickson續稱，數碼曲髮於髮根加熱，髮根開始鬈曲，對頭髮傷害較大，但能營造強勁鬈曲效果；另外兩種則在頭髮加曲髮藥水，髮根附近不會鬈曲：「想電出 效果鬆 ，就揀由根部開始電。」至於數碼曲髮，視覺上令頭髮富有彈性，「唔使搽好多 ，都唔會散。」
他又說，要視乎電髮者的頭髮狀態，例如曾否進行漂染而決定適合的曲髮技巧。普遍而言，未曾電燙或漂染的髮質可選任何一種；但陶瓷的傳熱能力較強，適合曾經電燙及髮質受損人士。
尖沙嘴Bass Salon創作總監黃家慶則表示，不建議消費者選用負離子曲髮，因它對頭髮的破壞性較大、「近年都唔會興負離子直髮同曲髮」；至於OL可選擇陶瓷曲髮，「大波浪」效果令人感到穩重成熟。
黃家慶又指，今年的曲髮趨勢有別以往使用單一曲髮技術，會將多重技術施展於一把頭髮上，「以前可能成個頭都淨係蛇仔，今年就會有 蛇仔、有 古烈治；又可能有 曲、有 直。」


應先電髮後才染髮
另外，Dickson指不少人誤以為先染髮後電髮，但其實在染髮後電髮，電髮藥水會令顏色散開，所以應先電髮，約七日後才染髮；又可進行頭髮護理強化髮質。他說，坊間有不少適合電燙頭髮使用的洗髮水，但要留意大多只令秀髮變得豐盈，並不是補充營養。
皮膚專科醫生史泰祖表示，電髮劑令頭髮失去光澤、容易折斷及開叉，「電髮先破壞頭髮組織，再重組，呢個過程非常傷害頭髮。」他又指，有市民電髮後頭皮敏感，但情況並不常見。

我自己就電過陶瓷曲髮 ,D 頭髮會冇咁傷 ,因為我電過好多次頭 ,比較過 ,陶瓷曲髮真係冇咁傷 .同埋個效果係靚 D ,唔會話好似技巧電髮咁 ,電完個頭好乾好旱.陶瓷曲髮就真係岩 D成熟人電 D "大S" 髮型囉 !! 價錢黎講都比技巧電髮貴 D ~~

但係你係要電 D 爆頭個隻 ,梗係技巧電髮啦 !! 不過好傷頭架喎 ~~