顏色是否會影響人的心情? 食慾? 等等......

顏色絕到會影響人心! 我們可以從先天的物理學和生物學因素, 後天的社會學和心理學,.....再加埋個人主觀經驗來分析. (只系想扮得 pro 一點嚇下人, 其實無咩嘢深奧學問)

科學解釋系指, 唔同嘅顏色有不同波長, 而波長最長嘅系紅色 (即是一種顯示得最遠的顏色, 給人類的眼球最快接受到), 所以, 當人接收視像訊息時, 總是最容易注意到紅色 --- so, 紅色既是最易引人注目, 當一個人想其他人留意自己時, 自然會傾向著件搶D嘅紅衫吸引人啦! 另一例子: 要幫一個人在睡房好好的睡一覺, 當然入面唔應該有太多嘢剌激佢, 如果紅色系咁惹人注目, 自然就唔應該將幅牆油到咁紅! 所以我未聽過有睡房系紅色的. (不過睡衣就有)

從社會文化角度黎睇, 每個民族都會以某些顏色代表某些價值判斷的. 這些價值觀與顏色之間的 association 一代傳一代, 就成了各民族潛移默化認可的一套絕對標準了. 遠的唔講, 就講傳統的中國人, 以紅色代表喜慶事, 白色代表喪事, 所以佢地見到一對新人都是穿白衫的話, 就會好唔高興, 但系走遠小小去到韓國, D人傳統嘅結婚禮服都系白色的! 所以D韓國佬見對新人穿白色就唔會覺得出奇. 另一例: 鬼佬用blue來代表心情唔好, 但中國人唔會話: 做人唔好咁((藍))啦 --- 我地用 ((灰)) 色來代表的! 點解? 是文化取向不同囉! 同先天物理學波長之類無關, 但 maybe 同語言表達的流暢或發音有關連.

個人因素 --- 我都唔知點解, 好細個嘅時候就好鍾意橙色, 但同佢差少少的紅色就非常之(((憎))), 黃色就中性 --- 真系唔知點解! 我又唔系特別喜歡食橙, 總之就系鍾意橙啦! 不過後來大D, 又唔知點解, 無咁鍾意橙色了, 見到荷蘭對德國, 都唔會因為佢地橙色衫而鍾意呢班波. i mean, 好多主觀因素, 系 unknown factors, 無得解, 但會受影響, 要科學家慢慢研究了.

哦,其實我相信真係有影響o既,如果唔係d 做室內設計o既人用顏色都唔會用得咁小心啦!!!
好似顏色咁,當中紅色係最引人注意o既,
(有研究證明咖,世間有好多種語言有表達o既顏色字詞,有d語言得"光/暗"兩種"顏色",而僅次於"光暗"最多語言都有提及o既顏色就係色o勒)
所以好多警告牌都係用到紅色o既!
又例如好似綠色咁,電視都有話望多d綠色o野會令隻眼舒服d,
咁既然佢令人隻眼舒服d咁我相信會令人relax d!!!

但我又諗唔同顏色唔同情況會俾人唔同o既效果,例如你話藍色憂鬱,但我相信天空咁o既淺藍色會俾人一個舒服o既感覺咖,
紅色又會太sharp太刺眼,有時可能睇落不太自然,所以都睇係邊一種色,
有幾saturated(飽和度,幾"濃"呀隻色),深淺等等

自己好鍾意一d木呀,白呀,淺灰d天然o既色,(無印feel?!)
睇落都會relax d!!!

同埋我最近聽過原來麥當勞係有做過研究,發現兒童最易被紅色同黃色吸引
先揀呢兩隻色o黎做標誌咖!!!

至於難睇的顏色,又係因人而已,但如果你講到食物呢,
心理學有個關於"進化論"o既approach,即係我o地有時鍾意or唔鍾意一d o野都係因為o個樣o野同我o地o既生存有關,
照咁推論d顏色如果反映到件食物食o左會令我o地有唔妥的話應該會乞人憎d,
例如d啡啡綠綠混混濁濁o既色,唔知你又聯想起d咩呢... XD

會! 好開心的時候, 我會穿鮮色衣服, 相反, 黑色,灰色及啡色表示我平常心或不開心.