應否把bb放在育嬰院

當然可以, 我個bb都係在保護兒童會育嬰院大的, 你住邊區? 保護兒童會都有好多分校, 除保護兒童會外, 還有很多非牟利機構的育嬰院, 多數都係收0-3歲的嬰兒, 園內的員工全部受過專業的育嬰陪訓, 你可以搵一間近屋企或者近公司的, 通常都係朝8晚6, 如你下午6點不能接回, 可以申請延展服務, 有d可以延展一小時, 有d可以兩小時(即到晚上8點).
你可以到以下保護兒童會的網址睇睇, 內里應該有你想知道的.

http://www.hkspc.org/centre/daycreche/index.htm


希望可以幫到你.

我個人就吾讚成去育嬰院,我有個侄仔一出世就俾育嬰院湊,你可以話佢好乖,因為佢從不扭計,正宗食飽就訓,但你亦可以話佢有D痴呆,一歲喇,都只會坐定定,見到哥哥姐姐玩都吾會走過去想一齊玩,就好似慣左係院內自生自滅咁,我睇到覺得好似好可憐咁!
我自己都試過暫託兩個鐘,就已經俾我睇到D姐姐兇狠er一面,我裝到佢竟然將我未夠半歲的女兒扔落床換片,雖然係床而且距離2-3吋到扔,但身為專業人仕,吾係應該將嬰兒輕放床上再放手咩?諗起都好嬲!
可以er話梗係自己湊好啦,搵得人湊仲要養埋佢,又要機票、又要交稅,仲要驚佢吾知點湊你BB,湊得好以後BB要佢吾要你,喊都無為,湊得吾好自己谷氣,最驚佢整鬼你個B,到時真係倍了夫人又折兵!
其實可能係我諗得太灰,但我堅信有媽的孩子才是個寶,所以我都選擇放棄事業,看見兩個小寶寶每天的成長,真是好令人振奮,好有成功感,,雖然不富裕,但一家人聚在一起係無比幸福!

當然自己照顧最好啦! 生得佢出,就要做番母親責任。睇住自己bb一日一日長大,係好開心既事黎架!

如果真的不可,請本地佣工,價錢一定比外籍佣工貴,但總好過放係肓嬰院,果度咁多bb,其中一個bb有病,會傳染比你bb就唔好啦! 另外,育嬰院唔係一人照顧一個bb,一唔小心有咩事留意唔到你bb就唔好啦!