有D咩好影? 幫幫忙!!! 急!!!

有咩好影, 唔應該叫人講你知架~
你話有邊個藝術家創作之前有人叫佢點做點創作丫?
不過, 技巧野都可以講下o既~
慢快門如果用黎交功課, 最重要係俾人知你用左慢快門.
所以相反就要影快野.
好似行緊既車, 可以做到對面街既人俾中間經過既車遮左少少, 但係架車就得個影咁
好似夜景, 可以做到車頭燈係一條線咁
好以人跳舞咁, 可以做到人既手腳唔清.
快快門就要影更快既野:
好似跑車/行緊既車, 可以做到架車好似定左係度咁,
好似人跳起, 可以做到人浮係空中咁.
至於淺景深, 咪是但搵一件主體去影囉
人又得, 街邊消防水龍頭又得, 細細件車既倒後鏡又得,
甚至一隻手指都得~
不過個人推介就係沿住公園扶手去影,
幾個波波(或者任何突起物)係清就睇到個景深幾深.
(要用大光圈 (F2.8/F4)去影)
至於深景深, 咪影同樣一條扶手囉
做得好就會多好多波波係清......
(要收細光圈(F16/F22)去影)

慢快門一定係影夜景，暴光５－１０分鐘影香港維園景色，或搵個黑黑的地方搵幾種發唔同光既東西（最常見係用玻璃紙包電筒閃光燈或螢光棒）開著個快門５－１０分鐘係鏡頭面前亂畫．

快快門一定係影會動的東西，能夠影到定格，常見係噴水池噴緊水用１／６０００秒你係會影到水珠而唔係水柱，或者影一個跳緊係半空既人既定格．

淺景深較最大光圈認該係影近野，咁講你會搵前中後景既地方．一個係你鼻尖出現用marco影（我最喜歡影公仔），一個可能係後面既牆，一個再可能係山．意思應係同一直線影對焦前面既後面兩個物體要outfocus，對中間應前後outfocus和對後應前後outfocus.

深景深少影，可試搵ｄ係平衡線有消失視點既地方，唔好係畫面一條分割線得上面有山下面有水果隻．可能係一個小堡壘旁有條路慢慢消失，或者有ｄ似人家影萬里長城既相片咁．

我都係膽粗粗照你意思俾意見，自己都有ｄ擔心唔啱，希望幫到你@@