利奧酒店、金龍酒店邊間好??

我覺得利奧酒店比較好, 因為比較新呀!
以下提供少少資料給你參考, 希望你有用啦!
1) 到達澳門先去食D嘢,可以去食煲仔魚翅$35/@,於十月初五街近新馬路!
(佢D煲仔魚翅好底食呀!非常真材實料呢!(有真魚翅, 海參, 竹笙, 金華火
腿及鷄絲)
2) 食完野可以去行下大三巴, 拍照等, 行完肚餓的話可以食嘢!我唔知道全
名呀!都係在噴水池附近的(招牌紅色有隻熊貓,佢對面有一間雪糕店的)
可以問下人, 大約在BODY SHOP斜對面的橫行行入去的, 佢的招牌米
好正呀! $20記住要辡沙湯底呀!唔係好辡但味道一流,(材料十足呀!有魚片,
尤魚, 牙菜, 紅腸,蝦,鷄絲)而且每款材料都有五件呀)
3) 如果唔鍾意, 可以食間出名D但就貴D啦!你預大約$150一個人, ------------
九如坊(在噴水池附近)
4) 食完嘢可以去下新開的賭場參觀下好靚呀! 永利渡假村, 在葡京對面, 可搭
的士大約$15, 如識路可以行去約15分鐘, 或者可以搭巴士於葡京行去!
5) 可以去觀光了, 可以去澳門的博物館, 因為都幾多野睇呀! 可以問酒店
服務生,因為有套票可以FOR幾間博物館的, (澳門博物館, 紅酒博物館,
賽車博物館, 消防博物館, 海事博物館)
6) 跟住可以去(TUMP)仔食豬扒包, 咖哩魚旦尤魚, 大菜糕, 木槺布丁
7) 仲想行下/玩下, 可以好走巴行, 近住觀音的可搭的士大約
$30,飲下野,氣氛唔錯呀! 露天有海景, 有些巴仲有 LIVE BAND 呀!
8) 仲可以過珠海(拱北)石景山公園有小型賽車玩呀! 在拱北關搭的士約$25.
9) 亦可以去按摩, 於(益健) 在關口附近. (好底呀! $30一個鐘, 都幾好呀!而且
最重要係清潔)
10) 可以於拱北邊行邊食, 因為有好多野食!
11) 若果唔係可以回澳門, 以下有些資料給你.
- A) 九如坊葡國菜館: (噴水池附近, Tel: 331-818) 木糠布甸; 最出名
焗鴨飯
- B) 小飛象: (Tump仔, tel: 827-888)
- C) 大利來記 : (Tump仔巴波沙前地18號, tel: 827-150)營業時間：
早上6:00 - 晚上6:15 (豬扒包,咖哩魚旦尤魚)
- D) 瑪嘉烈: (路環果間 tel: 882-534) 食葡韃,
- E) 公雞葡國餐廳: (Tump仔, 木偶果條街入面, tel: 827-423, 827-318)
- F) 義順牛奶 : 地址：議事亭前地7號 電話：573 683
- G) 禮記雪糕 : 地址：荷蘭園大馬路12號 - 12號A 電話：375 781
推介：香芋雪糕(4元/杯)，芒果雪糕(4元/杯)，雪糕磚(26元/磅)，
紅豆雪條(3元/條)，蓮花杯(6元/杯）。
- 仲有漁人碼頭呀! 一定要去行下呢! 尤其是晚上呀!, 佢裡面有好多特色
食店及酒巴, 晚上去仲正, 現在唔係好熱, 可以坐露天的坐位, 非常有氣
氛呀!!!!!!不防試試啦! 就算唔食野, 行下都冇防呀!

利澳酒店
利澳酒店位處澳門澳門新口岸高美士街，樓高24層的超四星級豪華酒店，為旅客提供449間客房，其中包括64間套房及一間豪華總統套房，距離港澳碼頭只需10分鐘步程，距離澳門國際機場亦只需15分鐘車程，地點優越，交通便捷，方便住客往來主要旅遊景點、商業區、購物中心及其他消閒地點。所有客房均設有寬頻上網服務、LCD電視等先進設備供住客享用。
酒店設有四間高級餐廳，為客人提供中、西、日式的佳餚美饌，同時亦為住客提供廿四小時客房送餐服務。
利澳酒店擁有多項消閒及娛樂設施，包括娛樂場、夜總會、桑拿及水療芬蘭浴、健身室、室內恆溫游泳池、會議室及多功能宴會廳等，讓住客盡享國際級的酒店住宿服務及設施。

金龍酒店
金龍酒店位於新口岸友誼大馬路及馬六甲街之交叉點，佔地三萬多平方公尺，是一家國際四星級標準的豪華大酒店。鄰近港澳碼頭、新八佰伴百貨、回力娛樂場、金蓮花廣場、金沙賭場及最新旅遊點漁人碼頭，娛樂優閒一應俱全，交通便利，人流眾多而集中，確為娛樂酒店業最佳選址。
酒店由兩幢樓高十七層及三層地庫的建築物構成，該兩幢大廈由地下至三樓相連，四樓至十七樓各自獨立。酒店內設置單、雙人標準客房、豪華客房、豪華套房等，共483間，更設有中式酒樓、西式餐廳、酒吧及娛樂場等設施，務求提供完善娛樂消閒配套予旅客享用。建築物內之冷氣、水、電、消防系統等設備已齊全。

兩者比較:
利澳酒店及金龍酒店兩間的位置好近，而且近碼頭，大家都是四星級。價錢方面，11月份起利澳比金龍還平$50，兼且比較新的，房間整齊清潔、舒服，所以你要一試！

信德嘅Turbo Jet比較新渡輪的船行得定啲，座位亦寬敞及舒適一點。