露營時遇到牛群怎麼辦

二三十隻牛牛？基本上係沒辦法。因為牛牛唔怕人身體又大件，你打佢佢唔痛尤至可，一痛分分鐘一野衝過來呀。

如果見到牛，
第一時間，
收好所有可以食得GA野，
將所有膠袋類GA野放入營，唔好比牛見到或聞到，
唔係你就要有心理準備牛牛會立即「變種」，
由草食性變雜食性(連膠袋都食>_<)，
而且攻擊力急升，試過有營友就係咁，比牛撞爛咗一個買咗冇耐成七百幾蚊GA營。(只不過係因為袋餅乾冇包好就放入個營到‥)

第二時間就係唔係理佢唔好望佢當佢冇到喇。

另外有個方法，我聽人哋用過，如果你見到少量牛牛，可以用一支長竹(或其他物體)吊住膠袋，放係牛牛前面，表演如同「將紅蘿蔔吊係馬前面」，令到牛牛跟住離開。(不過你見到GA數量咁多‥‥)


仲有，如果你哋要離開個營，最好揾人守住，冇人的話，離開前記緊檢查清楚有冇食物未包好，唔係就算你而家見唔到牛，唔代表你返來見唔到‥牛牛個鼻都好靈GA~~

其實牛又有咩好驚呢?其實遇到牛好有趣架，你見過牛食膠袋未丫，我就係西貢灣仔營地見過，隻牛係我面前成個「時興隆」尤魚絲個包裝袋吞入肚，真係奇景。仲有你見過牛食罐頭未丫，我就係西貢大浪灣見過隻牛撞倒人地個營幕，再用腳踏爆個罐頭食內面的食物，好睇過阿笨同阿占，所以你都唔駛咁驚，因為最激的野你都未見過。
其實樓上朋友都提左好多方法，其中嚇走它是最好的方法，因為牛走近營幕，目的都是搵野食，牛唔會主動傷人，除非你係佢面前搖塊布，好似鬥牛勇士咁做，不過你就唔好以為只是用紅布先有問題，其他色無事，就係牛面甘揚布玩佢，因為牛是色盲的，所以唔會只是攻擊紅布，基本上任何布在牛面係咁揚都會激怒牛隻。
至於點預防，其實就要D露營人士自律啦，唔好留下咁多垃圾，以為一定有清潔工人善後，有就有，不過係D野狗同野牛，你地係營地留下拋垃圾，走人後佢地就開餐，有咩都食得一餐，現時新界的牛已經變左好多，唔好以為D牛只會食草，佢地現時咩都食，罐頭麵包膠袋錫紙咩都食得落，食慣左就唔多食草，轉移向D露營人士的食物落手，到時就唔知會進化D咩生物出來。就算唔四處拋垃圾，都唔好就咁拋垃圾落垃圾筒，係要用垃圾膠袋包好，因為你地走人後D野牛都會番垃圾筒，一樣照開餐，所以到D牛變雜食唔食草之後，你想趕佢地走都難啦。

以我經驗，你可以慢慢走到隻牛面前，之後雙手舉高及大叫，隻牛會受驚逃走。

你去西貢灣仔露營咁就幫你唔到...果到d牛其中幾隻己經失去常性...
用乜方法都趕唔佢地走...只有你走...><

另外如果係其他地方遇到...如赤徑...南蛇灣...等...都可以用竹或棍趕走佢地...
不過最緊要仲係收埋d膠袋同食物...唔可以比佢地發現...
仲有...cookset一定要洗好收好...
如果你唔咁做...d牛會幫你手做...>