要求銀行按揭減息信

可以申請轉按, 或要求原貸款銀行減息(但一定要書面申請,無預設form可填, 可能想為難吓d客, 等佢地無禁方便)。一般銀行對這類客要求特別嚴格, 可能會對貸款人的資歷從新評估, 於是會出現以下問題:

1. 如果你係負資產, 他們只可按樓價市值的七成, 你就必須補回差價。
2. 根據貸款人的收入同年齡, 通常供款額不能超過貨款人收入的五成, 年期亦不能超越貸款人的退休年齡。所以有機會要補錢和縮減年期。
3. 須簽約(一般3年)), 提前清還要罰錢。如果短期內考慮換樓要小心。
4. 樓齡同樓的質素, 舊樓(超過七年)、單棟樓和村屋的按揭條件都差d。以前給你的某些優惠多不能帶到新按揭戶。
5. 可能須交手續費或被要求在該銀行購賣火險、人壽險。
6. 轉銀行須交銷契費(熟樓費), 新按揭費等律師費。

總之到銀行問多d, 自然醒d。

這情況我也試過，現時的P-3或以上的優惠，一般是要在100萬或以上的貸款額的。減息信仍看個別銀行處方式，我本人是致電去處理的，當他們批好後，會有一份文件會註明按揭利率的給你簽，若同意的話，簽回便可以。

先要睇返你當初個按揭點解係做左p-1.5先,不外乎以下幾個原因,
1.好多年前做的按揭,當時最平係咁息率,呢隻只要唔係負資產,9成都做到市場息比你。
2.物業質素問題(如村屋,廠房,商業樓,車位..等等),咁就無得郁,因為market都做唔到平。
3.按揭成數問題,咁就要睇返而家個估值(可能升左值),同欠銀行的本金,達唔達到銀行平息的要求(一般黎講7成),如果符合的話,都無大問題的。
4.當初係做高現金回增果隻按揭,分段收唔同息率。

所有情況都要留意多一點,就係過左免罰息期未。
特別係第4種case,要特別留心有無罰息,個息可以好甘的。