自己感情問題

2006-10-15 10:02 pm

我係一個預科畢業生，出黎做野,開始係物業管理公司做文職,一早返去又俾人話.好唔開心,為左將勤補過,放左工去幫小朋友補習,再返公司做野,我又唔會發脾氣,只會將d唔開心放係心,返到屋企有時係咁喊,又唔敢同朋友講我係公司既待遇,公司入面,董事長同d高級人事對我都好好,而一d比我高級小小或低級過我既就睇唔起我,成日係董事長同d高級人面前對我好好,轉頭對我好差,我雖然無放係心度,同team既人可以好信任咁做好事就得,點知我team既人都唔like我。以前未討過人歡心,就算鍾意都只會墨墨為佢祝福。唔會講出黎~
愛情方面,第一次鼓起勇氣表白失敗左,令我係一年內事業愛情都失意...完全睇唔到將來..不過我諗諗下,如果真係一齊,我可能因為身份高低而唔閞心,有經歷...人也成長了...
思想比好多同年異性都唔同,唔會再為小事而唔開心,唔會再覺得我鍾意就鍾意..
但係我未算老,24歲...又唔想放棄愛,不知如何好...
現在,有個男既35 歲,覺得佢都幾好,但係我應該去嘗試嗎?如果一齊唔岩,我驚我真係以後對愛情失去信心,還是做個順其自然既被動者?

更新1:

唔知點解,我同d同事唔係好好,上司都唔係好like我

更新2:

唔知點解,我同d同事就算好好,但都唔係對我好好,上司都唔係好like我

回答 (3)

Am I

2006-10-15 10:35 pm

✔ 最佳答案

朋友仔~~~~我看完你的經歷和遭遇後,都明白你的委屈和不愉快,但記著請不要放棄,無論是愛情或工作,你都要加油呀!!
工作方面,因為他們覺得你是個威脅或障礙,所以對你非常不滿,這不是你的錯,記著呀~~人善人欺天不欺~~~~
而愛情方面,你曾表白卻失敗過,所以你就有了前科,害怕再次失敗,但有多少人是沒有失敗過,如果是人的話都一定試過,所以你不要灰心,24歲的你還有許多愛情路要你走的,信心是不可缺乏的知嗎?如果你真的很喜歡他,可以向他作過簡單的暗示....

如果還有事想和我聊聊,可以add我的msn呀[email protected]

good luck and don't keep up!!^_^

👍 0 👎 0

玉萍

2006-10-15 10:47 pm

你都算幾醒目, 懂得通過 INTERNET 把心事說出來, 總好過屈住哂。
你一定係由細到大, 都好內向, 好少知心朋友, 做女仔連傾訴下的朋友都冇, 實在不健康,
朋友未必樣樣幫到你, 意見亦未必對, 但係能幫你舒發感情, 調劑生活。
暫時你份工都好安穩, D 人事問題可放埋一邊, 先試試用平常心和他們相處, 適當的時候又主動D埋下堆, 主動去關心下佢地, 要慢慢來, 等自己和身邊的人漸漸適應, 你對人好, 人家一定感受到的。
當你擴大生活圈子, 男女間的問題就再不會是問題, 姻緣就自自然然走埋來了,你才 24 YEARS OLD, 急什麼呀!

參考: MY LIVING EXPERIENCE

👍 0 👎 0

黑柔

2006-10-15 10:18 pm

幸福係要自己爭取o既﹗
如果覺得對方都幾好，當然係去馬，可以從日常多d接觸開始，唔使講到明做到足，但都需要妳自己向前行一步，先至可以見到將來。
無論結果係好係壞，最起碼自己努力過，將來唔會後悔。
再說，如果到最後真係唔啱，咁未死心再搵過另一個囉，唔使咁灰woo~
至於公司d人，啱o既未傾多句，唔啱o既咪唔理佢地囉，至緊要上司同老闆賞識，話唔埋唔使幾耐，妳就會升職，到時做佐佢地o既阿頭，佢地巴結妳都嚟唔切啦，呢種事，唔使擺係個心度woo~

👍 0 👎 0

收錄日期: 2021-04-22 23:06:07
原文連結 [永久失效]:
https://hk.answers.yahoo.com/question/index?qid=20061015000051KK02637

檢視 Wayback Machine 備份