原條吞拿魚可以點煮

呢位網友請您聽吓我講個故事你知，聽咗之後你就會知道你條吞拿魚可以點煮。

我有個fd佢好鍾意釣魚，有一日佢又同班fd一行六人去咗擔焊列釣魚，嗰日佢哋大豐收，釣到連佢哋每人自己帶去個冰箱都裝唔晒，有吞拿魚、大沙鯭同埋有幽面，好多魚，剩係吞拿都釣到五條，最細嗰條都差唔多兩斤，最大嗰條有成四斤重，真係犀飛利。
咁好嘞；我個fd嗰日釣完返嚟就call咗我同另外個fd話俾魚我哋，咁個釣友fd首先叫另外個fd先但只可以攞兩條魚，攞魚fd就一手咗最大嗰條吞拿魚跟住就講；我剩係要呢條就夠啦......。咁釣友fd咩都唔講剩係點頭，跟住攞魚fd就話；咁我返屋企先嘞，襯新鮮積刻整咗蒸嚟食呀.....嘻嘻。就咁就走咗。
我望一望釣友fd，釣友fd又望一望我跟住就大笑，佢笑住同我講話俾一條大吞拿，俾一條大沙鯭俾我攞返屋企食，跟住釣友fd又笑住同我講；喂：條沙鯭你知點煮，唔使我教你。但係條大吞拿就唔好好似佢 ( 攞魚fd ) 咁拎返屋企蒸噃(釣友fd又笑)，如果唔係就有排都食唔晒兼嘥晒啲嘢。
我問釣友fd點解，佢話；吞拿魚剩係得兩個整法最好食，其他煮法係唔好食嘞。
我問佢；咁即係點呀......？釣友fd就講：
1.如果條吞拿係新鮮嘅話咁呢個係唔需要考瀘嘅問題，必定係食刺身。
2.如果條吞拿唔係新鮮而係冰鮮嘅話，咁要就切開條魚睇吓，新鮮嘅話都可以試吓做刺身，如果唔係就只得最後一個方法，就係將條吞拿原全格水蒸熟晒佢，之後就魚攤凍，要嚟做(((吞拿魚柳，或者吞拿魚醬)))。
點解唔可以用其他煮法咩，煎、炆、焗都可以啦？釣友fd就話；因為吞拿魚嘅魚肉煮熟咗係又(梅)又(鞋)，食落口好似食渣咁，就算用咩嘢方法去煮都係一樣 架，所以吞拿魚熟食就只有要嚟做(((吞拿魚柳，或者吞拿魚醬)))。
佢仲話埋俾我知個做法：
吞拿魚洗淨起骨切件再，用小小鹽醃一醃佢就攞去格水蒸熟佢，蒸熟後放埋一邊攤凍，跟住開鑊燒紅再落橄欖油，油燒滾後加啲落油到，食得辣就加三兩隻指天椒落去炸一炸佢再用個大啲樽裝返起啲油，魚攤凍就放埋落啲油到浸住佢，咁咪做成油浸吞拿魚塊。又或者壓爛佢整吞拿魚沙律又得，再唔係就整吞拿魚三文治都得。
所以我明白釣友fd點解笑阿攞魚fd嘞。

以上所講嘅故事希望你明白我講咩嘢，但若然你係唔相信嘅話，唔緊要，咁你咪試吓其他人所講嘅方法煮嚟食吓，咁你就知邊個講真說話。


希望可以解答到您嘅問題啦。Thanks.

2006-10-17 14:11:55 補充：
唔好意思，係擔焊列島。仲有係加啲鹽落油到。

吞拿魚中間部分最好吃

吞拿魚：又叫「金愴魚」或「鮪」，身體呈紡綞狀，魚身肥大，長度有 1.5米多。

由於體積大，一般是把魚切成塊狀冷藏因為魚肉全是瘦肉。
有許多種的烹調法：煎、燴或作魚生都非常好味道，且有營養。
吞拿魚最好吃的是中間部分。 選購時要橫截面較大塊的有保證。
除急凍之外，吞拿魚也有罐頭包裝。

價錢方面：

以肉色深紅的吞拿魚為上品，淺紅色的為下品；
兩者價價相差頗遠，食味和肉質也有差別。
紅肉吞拿魚肉質細緻軟滑，味道較香濃。 雖然價錢貴，但較受普遍歡迎。
吞拿魚在產卵前後的營養價值分別很大，因此，選購時寧選質優那種為上。

可以原條洗淨界開一半（好似界開個熱狗包咁）跟住放上蒜鹽（ｏｒ　ｇａｒｌｉｃ　ｐｏｗｄｅｒ加鹽），再放入焗爐焗．．．之後可以加檸檬汁～