✔ 最佳答案
香港人表面扮洋化,扮思想開放, 但其實有好多好多人都仲係好 "盟塞". 佢地自己持有雙重標準或自相矛盾的原則而不自知,仲以為自己好有見地... 可能本身根本唔了解成件事就發表偉論, 其實不過係人云亦云. 例如好多人歧視人食煙;但就覺得酗酒冇問題. 又例如好多人會鬧d雜誌偷拍,但同時自己又爭住第一個去買去睇. 佢地自己做左既野就死撐話岩,人地做左但自己無做既野就去抨擊,以踩低人地黎抬高自己. 亦有好多電台節目, 係又鬧唔係又鬧, 鬧人為左搏出位, 夾硬搵個topic出黎鬧... 等等.
在呢個充塞住迂腐思想,假道學, 及荒謬的社會文化下, 你做咩都一定會有人講你. 只要你係成年人, 又唔係做d犯法及傷天害理的事, 理得人地講乜姐.. 你做到完美都一樣會有人唔抵得你而批評. 你又唔係偷唔係搶, 靠自己雙手搵飯食, 都係一份職業姐, 你喜歡做既話唔需要理人點睇. 我相信系話你既人當中,一定有人自己都落酒吧飲酒, 一樣有拳手陪佢飲, 如果佢地話你唔正經既話, 咁佢地又有咩分別? 難道佢地自己落酒吧就叫做消遣, 你系酒吧工作就叫做唔正經? 你既人生係屬於你自己, 周邊d三姑六婆對你做過咩貢獻?佢地憑咩資格去話你? 佢地自己又好好咩? 佢地覺得你份工唔好, 最多咪佢地自己唔好做囉...但無資格去干預人地, 而家係咪佢一句唔鍾意你做就會養埋你先... 唔係丫嘛, 所以佢地更加無資格去批判人睇唔起人.