如何可以做到營養師？

如果你想做註冊營養師，一定要讀認可的課程，考試及格同埋通過實習先得。如果香港讀，就一定要讀港大的一個space課程 "Postgraduate Diploma in Dietetics"，而呢個課程的入學資格係要有同營養有關的大學學位或者曾通讀過space有關營養學的基礎証書課程 (而中大及港大都有食品及營養學的學位課程，但只係讀完學位係仍然未可以註冊)。但以我所知，呢個"Postgraduate Diploma in Dietetics"課程唔係年年開班，而且收生要求嚴格，多數都係要有營養有關學位同埋通常仲要有關工作經驗先有機會入讀。

你宜家既然讀緊副學士，我諗你可以先完成副學士，然後再讀space有關營養學既基礎課程，再一路讀上去；又或者先拎返一個同營養學有關既學位，然後再直接報以上所講既postgraduate diploma。如果你呢幾年有一d營養方面既工作經驗(part time或者義工都可以)，咁佢收你既機會就大好多。當然，詳情你都係要問返space果邊，你可以先上網睇資料，然後再打上去問下。
http://hkuspace.hku.hk

如果想去外國讀，可以去澳洲、加拿大等地，讀和dietetics的有關學位，然後通過考試及臨床實習取得註冊營養師的資格。如果要讀呢d課程，記得查清楚課程有冇包括臨床實習部份 (唔一定所有學生都可以實習，外地生亦可能冇得實習)，同埋係唔係讀完可以考專業試取得註冊。

坊間好多所謂"營養學課程"，讀完話可以做營養師既工作，但其實呢d都唔可以考牌做到"註冊營養師"或者在醫院工作，得唔到可被承認的專業資格。

營養師（有分註冊營養師和營養文憑兩種）

有何分別：

先講註冊營養師，可以在政府或私家醫院或者大型的減肥中心做（如：米施x、現代美x、舒x堡.....等等），薪金方面，睇下你有冇經驗啦，無經驗大約2萬，有經驗去到6、7萬都有，不過o個d多數是在醫院的註冊營養師先有咁高收入。

註冊營養師，就一定要讀港大的一個Space課程 （Postgraduate Diploma in Dietetics）。而這個課程的入學資格是要有同營養有關的大學學位或者曾通讀過Space有關營養學的基礎証書課程。

或者在外國讀註冊營養師，依個資料係我讀營養學文憑時，聽d老師講出來的，個案如下（一個已經做緊註冊護士的女仔，在香港讀完營養學文憑，然後再去澳洲修讀註冊營養師，不過一讀就讀了七年，因為課程中要通過幾年實習同埋考試合格，先可以取得注冊營養師的資格。


而營養學文憑，就只可以在減肥中心工作，而不可以在政府醫院做，同埋薪金方面，當然是差好遠啦！我之前就是讀這個營養學文憑的，其實唔可以話淨係讀營養學，因為我是在美容學校讀的，而這個課程是（關于減肥的）所以就要讀埋營養學個part的東西，如果讀完依個課程，又想考個英國itec營養學文憑的話，首先你要考了解剖及生理學的文憑，之後再做一份功課（五個個案分析）才可以考營養學文憑，其實大約半年就可以讀完這個課程，考試範圍都是包括d維他命、礦物質、蛋白質，卡路理、個d野，仲要是筆試，先得25條問題，不過我都冇去考，因為覺得無乜用。
參考資料:


補充：營養學文憑除了唔可以在政府醫院做之外私家醫院一樣唔得，營養學文憑只是讀d好基本既野，只可以係d減肥中心做，同d沒有任何身體嚴重疾病〔例如：心臟病、糖尿病....）的減肥客人開營養餐單。

但註冊營養師唔用，因為佢地是註冊的，好多時醫院都有唔同的疾病的病人，咁樣佢地就可以視于病人本身的情況，而設計適合各病人的餐單。就算住普通病房的病人食既野，都是註冊營養師設計的。