關於D粒粒野

油脂粒, 埋藏係毛孔內, 唔理佢會越生越大粒 (因油脂仍會不斷分泌, 而毛孔又堵塞咗, 會越積越大粒). 最後會演變成瘡.

--點先會變番平滑?

要喺變成瘡之前清晒ｄ粒粒.

--點清?

就是找一個可以信賴的美容師針清.有經驗的美容師會用黑頭針挑開那個有問題的毛孔, 將油脂粒放出, 咁就會變番平滑.

但重點係一定要找有經驗的美容師針清,有ｄ太年青的, 無經驗的讀完個美容 course就同人針清, 一定出事.(針完會發炎/ 清得唔夠徹底) . 因為針清好講技巧, 一定要對準出問題個毛孔下手, 同 make sure完完全全清晒裡面的油脂( 有時一個毛孔內會藏有超過一粒油脂粒), 一慨不可遺留, 否則仍會有機會變瘡. 所以要找個起碼有四年針清經驗的美容師為佳.

-- 如果變成瘡先去清, 會留有紅印和容易發炎.

-- 針清係唯一方法, 如果話你聽 磨砂可以整甩佢一定係呃你. 其實油脂粒係藏喺皮膚較深層的位置, 磨砂只能護理皮膚嘅表面, 不能處理底層的問題.

即係好似將ｄ物件 (油脂粒) 埋喺沙 (皮膚) 下面, 你一日唔撥開ｄ沙, 挖樣物件出嚟, 佢一 日都會埋喺沙下. 唔會無端端消失.

-- 最後, 千萬不能自己唧! 會越唧越紅同會發炎變瘡.

@ 我都有同一個問題, 5 年啦! 我塊面望落好滑, 係每半個月去針清嘅成果.

@以上係我 5 年來悟出嚟嘅道理, 和美容師朋友告訴我的.

@5 年來我試過好多種方法去清油脂粒, 我發覺交俾可以信賴嘅美容師針清係唯一 work 嘅辦法. 與其花錢去買無用嘅 product, 不如去做一次針清, 一般深層清潔嘅 facial $200 --$300 已經 ok. 你會發覺清完第一次, 塊面己經明顯平滑好多.

@提提你, 美容院可能會叫你 join package, 唔好咁快答應, 要試多幾次個美容師嘅手勢, 覺得 ok 才好考慮.

@一般針清完嘅部位一定會有ｄ紅腫, 第二日會完全消退, 如果針清完出現發炎現象, 個美容師可以立即 out 啦~~~

Just for sharing, hope can help you!

油脂粒:

當臉上出現油脂粒時,你可以定時同皮膚進行磨砂,加快死皮脫落。

　　選擇磨砂用品時,以溫和配方為主,例如有纖維表皮層的潔膚棉、?喱狀的去死皮霜、礦物泥面膜或粉末狀的磨砂用品,這些用品唔會磨損皮膚表層之餘,亦可以去除油脂粒,同時不會令毛孔擴張。

但去死皮霜、磨砂和深層清潔不宜一次過完成,最好分開幾日做,尤其是敏感或暗瘡肌膚的人,太頻密只會出現皮膚乾燥、紅腫、脫皮等問題。

磨砂用品紹:

1.潔面紙:潔面紙內的纖維能深入毛孔,把毛孔內的油脂、污垢和油脂粒消除。

2.去死皮霜:使用?喱狀的去死皮霜配合按摩,能將表面的死皮和角質層一次過清走令皮膚即時感到柔滑。

3.礦物泥面膜:面膜可以將皮膚底層的油分抽出,有效預防油脂粒形成,也具有控油作用。

4.粉末狀磨砂:此能最有效將皮層的油脂粒磨走,但切勿使用過量,否則會令幼細皮膚受損,出現紅腫和發炎現象。

※注意:避免使用太油的護膚品

你個Ｄ係黑頭剩係油脂粒？不過係咩都冇所謂，只要：
1. 唔好食咁多煎炸o野
2. 唔好咁夜瞓
3. 飲多D水
4. 勤D洗臉

咁就應該會好好多!!