剛買嚟既龜仔唔食野,點解,點算???

1) 冬天不要購龜。(因龜要冬眠, 會因冬眠後營養不足而亡)
每年中秋後, 至第二年春分前, 都不是買龜的季節。

2) 購入幼龜, 要有約7~10日的適應期, 龜兒是慢熱的動物, 最無擔,
又驚青, 佢同你唔熟, 環境又唔熟, 所以會好驚你, 要等佢慢慢
判斷你, 先會信你, 開口食你餵既飼料, 唔o岩味亦會唔食o架o番,
當佢大隻D既時候又絕對係八卦既生物, 同你熟o左, 會嗅你的
氣味, 你要慢慢訓練佢, 教佢, 唔好操之過急。先用買入時的水加
入隔夜水放入飼養箱, 發現水變髒就要換水, 無臭就加的隔夜水,
(水管即出水有重氯氣, 足以殺死龜的所有, 且會令龜有 :
白點病 : 初起於手、腳, 會漫延全身至頭, 有小白點, 海葵狀, 令
痕癢, 整天想用手抓, 嚴重會抓傷眼睛, 及至爛咀或崩咀。
眼 炎 : 眼睛發炎, 眼簾腫脹, 有大水泡, 覆蓋透明的眼膜, 眼簾打不開。)

幼龜養至6個月至1歲前都要用隔夜水較妥當, 1 歲後可用水管水。
但世事無絕對的, 會有例外。

3) 龜的飼養箱除有攀爬物外, 最好有遮蔽物, 無也可以, 但水深不能過
殼, 有攀爬物的水深度就可過殼, 冬季注意保暖, 可購人造假山 石洞,
既可磨爪、攀爬、又可藏身, 或可用闊口玻璃瓶代替做攀爬及屋。
(如水太深, 又無攀爬物, 冷親等令龜會有 :

感 冒 : 由張口呼吸開始, 然後會打噴嚏、流鼻水, 致感染呼吸道毛病。
肺 炎 : 再嚴重的的細菌會走到入肺, 得肺炎, 令龜則身游泳。)

4) 一定要曬太陽。否則有軟殼病或爛板病。
(如環境許可, 幼龜每日最好要曬半至 1 小時, 超過1 歲大龜每星期
可曬一至兩次 2 或 3 小時, 讓太陽強化龜殼製造維他命D的功能,
夏天的早上10:30前, 下午4時後是最佳的曬太陽時段, 中午的太陽
太熱, 會令龜兒中暑。)

中暑 : 張開大口, 呼吸沉重, 流出口涎。
軟殼 : 此病的龜殼呈暗啞淡綠色, 手按會有軟的感覺, 眼睛無神。

殼龜潰爛~包括龜體的所有甲殼徵狀有:殼表面長出象霧的黑點,一堆堆好似發毛菌。
甘樣;也有象白色的毛菌,一小團、一小團的佈在殼子上面;有的黑斑,象一粒黑豆、芝
麻面積大小或一堆堆小洞、大洞等,也有板與板之間發炎、流血、流濃的現象,全分佈
在底板位置,都屬於爛板病。

曬太陽 : 殼呈深綠色, 微發亮, 眼神精靈。

5) 有病要及時隔離。如不能及時, 全部要進行保健治療。
(有病可先試用龜藥進行治療, 用市售的〈龜精靈〉、〈JBL〉或
〈龜康寶〉都可以, 亦可索性睇獸醫, 醫藥費 $400起)
主人入藥程序 : (持續一星期起)
幼~2歲龜 : 視病況而定, 初起用一滴, 嚴重用二滴。入水稀釋。
2~3歲以上龜 : 視病況而定, 初起用一滴, 嚴重用二滴。入口。
4歲以上龜 : 視病況而定, 初起用一匙, 嚴重用二匙。入口。

餵藥準備 :

1) 龜專用乾淨毛巾 1 條 (能包緊龜兒手腳一圈半為準)
2) 清潔的小毛巾 1 條 (能放穩有藥水的茶匙為準)
3) 不銹鋼小茶匙 2 隻
4) 軟毛 (或廢棄的) 牙刷 1 隻

餵藥技巧 :

先預備倒出龜藥, 放穩, 與一個龜兒也熟悉的人一起, 用毛巾包
住龜兒, 如不能成功包手, 一人用雙手輕捉著它的兩手, 佢會
安靜下來, 重要按撫佢, 叫佢唔使驚, 講野呵下佢, 講食藥咋,
另一人用手拿匙, 一手用刷輕刷龜兒的口, 佢就會毫不留情
o甘張口咬住個刷, 你的手要比它快速閃開, 才不致牙刷被咬,
另一手拿空匙立即放入, 定住佢個口張開先, 佢會好大力抗拒
同掙扎, 你只能忍心的固定住, 而放下牙刷的手可提起藥匙,
倒入, 你一定要固定住空匙, 不能放下空匙, 倒入的藥龜兒可
能含住, 仲未吞落肚, 你可叫同伴試用一隻手捉龜手, 另一手
按龜鼻, 等佢用口吸氣時, 連藥一併吞下, 然後放番佢入水,
等佢飲水。禁就完成整個過程啦, 如果唔成功, 要重做一次。
好似餵人類的BB食葯禁上下既情況。
事後所有用品要徹底清潔及消毒, 茶匙也留給龜兒專用吧。

保健用途 :

可用龜葯一滴, 稀釋於一公升水, 每星期同龜浸一次~24小時。
另一種方法是幼龜可用一滴「稀釋」的按摩用薰衣草油, 每星期一滴。
泡浸24小時, 如於餐後或便後重新換水, 重新再滴。
稀 釋 : 即用基底油 5 ml + 1~2 滴薰衣草純精油。
基底油 : 即指「甜杏仁油」、「杏核油」等。
如用10蚊城的薰衣草油, 不用稀釋。

6) 不能給人類食物。因有鹹味, 高脂肪, 令血管栓塞, 使龜加速死亡。
(可選平或貴的龜糧、乾蝦、活山坑魚、活小河蝦、南極軟殼蝦、麥皮虫、
蜆肉、草猛、UVB紅虫、各類疏菜、生果等進行試餵, 總可以
找出一種它會愛吃的, 令死亡率減低)

7) 每年都會象蛇一樣 - - - 脫皮及脫殼。本仙近來發現龜兒如果超過6歲,
就會開始減少脫殼, 只會增厚其龜體的殼, 間中脫一、兩片, 省卻拾殼的麻煩。
(冬眠後手腳在水中有漂浮狀軟片, 就是脫皮。可用軟牙刷幫忙刷去,
不可用手撕, 成長期的殼片會分不同部份隨意逐片脫落, 脫下的殼片
約半片人類尾指甲到一片大姆指甲不等, 視龜兒的龜齡大小, 通常於
洗殼時脫落, 如未脫下的, 亦勿用手扯, 不要當佢手撕龜, 會弄傷龜兒,
同龜清潔時, 亦要小心被龜兒咬住或被殼割傷, 最好戴上厚膠手套)

8) 每隻龜兒都有獨立的性格。不要試圖改變它。當你決定養龜時,
千萬不要抱住玩下既心態, 令佢終日惶恐不安, 東爬西竄, 好易會死,
要多加愛護、小心照顧佢, 才會比你長壽, 這才是真正的愛龜人。

#龜隻最常見是因溫度過低而患傷風甚至肺炎。
#病徵：龜的眼部腫至無法張眼，或需張口呼吸。
#處理：須打針(龜藥多為注射式)或看獸醫。

白眼病
病樣：．龜眼開不到,有層白膜係眼上,龜不食野,成個龜呆晒
醫法：．買「龜精靈」,$20度,根據盒上指示使用
．「龜精靈」係液體,滴在眼上
．龜龜一個禮拜度會好轉,主人冷靜D,龜龜一個月度先會餓死
點解會咁? ．原因:水不乾淨,水未隔夜,水過龜穀頂
改善：．把龜用的水隔夜（原因：能去氯），過２－４天才用
　　　 ．龜龜的水過少少腳就夠
　　 　．俾佢浸下暖水（佢會好 relax架)(10 min)
　　　 ．用10%濃度既鹽水消毒下d龜野(45分鐘),(不用消毒隻龜)

厭食症
發病原因 飼養環境改變或常受到騷擾...
症狀 排斥進食,體重減輕甚至昏睡...
治療方法 更換食物並進行訓餌工作或進行強迫餵食...

脂防組織炎
發病原因 缺乏維他命E所致...
症狀 肥胖ˋ結節狀脂防沉澱ˋ脂防肝...
治療方法 在食物上添加維他命E...並由獸醫診治...

腎衰竭
發病原因 長期餵食不當食物所造成...
症狀 沒有食慾ˋ全身性水腫...
治療方法 改善食物...並由獸醫診治...

現在還買龜？已過了中秋啦！

新買回來的龜兒，要大約1-2個月適應期，係適應期內，龜龜可能唔食、食少少，表面冇病徵，如：眼睛腫脹、有結膜，經驗張開口呼吸，就可放心。

不過，而家已過了秋分、白露，中秋，d龜慢慢進入冬眠狀態，中秋後不要
買龜，尤其是新手，免得唔識養、龜龜來不及進食大量食物儲存脂肪於體內，而過不了
冬天而死亡。

你要在夏季給龜兒狂吃食物，夏季龜兒狂吃，目的是儲存能量準備過冬，冬天低於15
度，龜兒會停止進食，想龜兒安然度過冬天，就要夏天狂餵。健康良好的龜兒，不會在
夏天唔食。

(而家餵飽龜龜都未遲，但不要給龜龜冬眠；bb幼龜、今年買回來的龜及第一次過冬的龜，不要冬眠外，病龜及受傷的龜也不要冬眠，好易
一睡不起。)


新買的龜，餵乾龜糧較為穩陣，當龜龜熟悉生活環境後，可給蜆肉、急凍雞肉，增加蛋白質及鈣質；但不要給豬肉、牛肉，多吃會惡及菌多。

以及，讓龜兒晒太陽，吸收維他命D，轉化鈣質，而且，食慾、精神也會更佳。

怎樣渡過寒冬：
只要在水族缸內放置暖管(恆溫器)，就可保持溫度15度以上了；你又可在家中開著暖
氣，也可保持室溫15度以上。要不，把飼養箱放在浴室也不太凍。(沖涼時會有暖的水
氣嘛)
(以上是不冬眠的做法)

大概每年的11月底至翌年的3月(春分前)是龜兒的冬眠期

巴西龜在冬天冬眠既時候不用浸水，但3、4日後可比少少水龜兒飲，唔可以在冬眠期缺
水。飲完水後按照以下的做法比龜龜冬眠。

bb幼龜及今年買的龜，都不要冬眠，因牠們未及進食較多食物，故要為龜兒保暖。

可以買到溫度計(價錢)→太子通菜街，好多金魚鋪都有。

一定要在冬天來臨前，讓龜兒吃飽，同埋做好保暖，龜兒才不會死亡。

訓緊覺 駛唔駛俾佢曬?→話明冬眠，有太陽射住，怎訓呢？
龜龜冬眠,要幾耐餵一次野食呀? →不必餵食，定時給水喝，詳情參考以上的做法。
____________________________________________________________________

龜龜第一次過冬，不要冬眠，可於水中置暖管、太陽燈為牠保暖。
室外有太陽時，可帶龜龜於戶外晒太陽，保持溫暖。(唔好置牠於當風處)
以上是冬天時，幼龜不冬眠的做法；盡量不要使龜龜合埋眼長期的訓著。

仲有，除了bb幼龜及第一次過冬的龜，不要冬眠外，病龜及受傷的龜也不要冬眠，好易
一睡不起。

太陽燈同暖管可同時用，但太陽燈不要開著太久，過熱會曝；暖管要成支浸係水中，不
過，而家香港冬天都唔凍，不用長開。(詳情請睇番前文)
___________________________________________________________________

同埋，買暖管最好不要買國產、價錢超平，好易爆，安全問題成疑，以下是本人及龜谷龜友的恐怖經驗：
我用過支italy製的暖管，舊年爆左，幾年前係金魚街$60買來，4隻龜越來越大隻，差
唔多有手掌般大，佢地又好動，我估佢地扯到條電線而個玻璃突然爆裂。
個下聲音嚇死我，好彩冇火災兼龜龜無事。
唔好貪平，買貴少少同防爆，家居安全重要。

小嘎 在郵件 news:[email protected] 中撰寫...
我就係怕有咁既情況
因為之前男友拎左支舊暖管番黎
一試即爆..... 好彩我地唔係係龜缸試咋
不過果下都嚇到我唔係好想用暖管
覺得越多野係缸入面越危險咁...

用暖管時，除了考慮防爆功能，使用前要睇清盒上的說明，一般既暖管要係水中浸住架, 係空氣中好易爆的.
同埋睇下支暖管可唔可以打橫放, 一般盒面都有寫, 唔係隻隻可以打橫放的.

依上文所講，今年或新買的龜/bb幼龜，不要冬眠，繼續在冬天時餵食，做足保暖，如果龜龜唔食，於水中(過龜腳)溶解1茶匙葡萄糖水，等龜龜喝下，有點能量。

7-8年養龜經驗分享及歡迎到龜谷http://www.nntp.hk/webnews/talk.turtle 交流

你隻龜仔剛剛買回來, 牠要先熟習環境.一般都要兩三天.才熟習.(但要勤換水)
龜通常餓五六天都無事嘅.待牠熟習環境後.覺得安全. 就會進食.
到時佢仲開胃過你呀.

你可以試下餵d蝦乾,跟住再餵龜糧!