我想去外國留學!!!!!!!!

坦白講，你現在18歲，係20歲要儲筆錢去外國留學真係唔易!! 假設你去到會讀Year 1, 讀四年，一年平平地連食住都要15萬-20萬左右。學費，書部果d一定慳唔到。如果你去美國，視乎你去邊個地點啦。東西岸都比較貴。中部就比較平點。你有朋友如果搭住宿，當然會平d。
我會提議你去讀2年community college, 拿個associate degree, 再轉去d有名d的university. 這樣，頭兩年的學費就會慳左一筆。因為community college通常會平點。但要留意間大學可以銜接去你所想轉去的大學。有些大學只會承認部分學分!
如果你真的去完外國讀幾年，一般英文都會比本地畢業生好d。做外資公司當然有幫助啦。你諗下，如果你老闆係洋人，想唔想同個英文好d的staff溝通? 定係講分鐘都唔知佢講乜的staff傾?
我以前係美國中部讀大學的，少少info希望可以幫到你

講真,你要係2年內儲筆錢去外國讀書真係唔係話咁易..
平均一年開支廿幾萬到啦,不過睇下邊個國家啦:英國>美國>加拿大>澳洲
英國:
學費最貴,一年加加埋埋都要$300000不等...
不過英國好係佢英文發音最純正!...如果你係想學好英文發音,去英國係唔錯既choice!

瑞士:
其實直接d講,瑞士係for d 大個左會係酒店管理界做野既人學生去果度讀既~果度有好多好top既酒店學院,如果你日後係想係呢一行發展,去瑞士就最好!

美國:
因為我就快會去usa讀書,所以呢方面我知得比較多~
usa呢...就學貴都唔平架! 排係uk後面~~美國既學制係行334,高中3年,大學4年~一年加加埋埋around$250000啦~如果經濟負擔唔到既,可以入讀社區學院,平成倍架.....咁仲有呢...去美國,頭2個月可能會好唔適應,因為話哂我地係香港係用英式發音,果邊就要用美式....可能要花多d時間係呢方面..同埋,歧視方面,我聽人講美國比較嚴重d,所以我都驚緊呀!不過美國既治安唔太好..呢點都要注意!

加拿大:
加拿大係一個水平幾高,學費又唔貴,治安又好既地方!我前個月岩岩係加拿大溫哥華番泥~
果度真係好正,好靚!交通又超級方便,自己鐘意幾時去downtown就去~但係果度有好多香港人,成日行街都聽到廣東話,所以都幾難學到一口流利既英文~同埋呢...加拿大有好多學校都開始有中文課程,如果你想keep住學中文,又想到外國讀書,加拿大係幾好架!不過衰在cold囉....溫哥華已經算係最warm...但我係summer去都要著外套囉..可想像winter有幾cold!

澳洲:
學費比較平!...d view 都好正! 不過又係果句啦...幾多香港人!去果邊可以讀foundation....平d架好似!

普遍泥講,去完外國讀書番泥做野,會易d搵工..因為d人會覺得你浸過鹼水,英文會有番咁上下...

你話如果係美國果邊有朋友…係咪會慳返好多… 其實我唔係好明呢句..首先學費就一定唔會慳啦..如果係住宿方面...你朋友比你住既話,租金可能比出面平既~~但其他既生活費,就算有朋友都唔會慳得好多我諗

希望幫到你啦,祝你成功!

你預左係果邊要做partime先夠錢畢業﹗

大約每年HK$200000~300000連食宿，加拿大同澳洲都係咁上下價錢