如何清洗包裝既蠔

你講嗰種係咪一袋袋裝住嗰啲蠔呀？
係就好簡單啫，首先剪開個袋倒啲蠔落筲箕用水沖一沖佢，跟住用個兜裝起佢就落生粉同埋鹽，再用手輕輕(初)吓啲蠔，記住唔好咁大力洗如果唔係會洗穿蠔肚咁就冇嘢食嘞，每次洗耐小小，然後再用水沖淨佢重複以上方法洗大概三次到就OK。

另外有一個洗法，用手揸住隻蠔，再用百潔布將見到有黑色邊嘅地方輕輕抹佢，咁就會好乾淨嘞，跟住再睇吓隻蠔好似帶子嗰個位有冇蠔殼碎黏住喺度，有就整甩啲碎佢，到最後搞乾淨就用生粉同鹽洗佢一次，咁啲蠔就包保乾淨晒啦。

不過洗淨還洗淨，大家要記住啲海產經常會受到污染，所以大家要煮熟啲先至好食呀。


希望可以解答到您嘅問題啦。Thanks.

2006-10-14 13:55:43 補充：
唔記得話埋俾你知，用生粉同埋鹽洗蠔係最好嘅。因為生粉同鹽可以將蠔身上面嘅潺同埋啲污糟嘢()埋一齊，對沖洗嗰時係好容易，所以用以上兩樣嘢嚟洗蠔係一絕嘅。

生蠔是高風險貝殼類 海產之一,要徹底洗淨,個人就喜用滾水浸:
燒一鍋滾水,倒入生蠔,蓋好, 刻即熄火,浸它約三分鐘,撈起備用,
此時生己有七,八成熟,再加調味料醃一會,便可煮你喜愛的菜式
生蠔經滾浸過,牠的潺已盡去,水份也少了,煮起來沒那麼汁,又夠
熟,也吃得安心.