為什麼大巴士每隔一段時間有些"噴氣"聲音發出?

重型車輛同小型車輛唔同既地方, 係以氣壓操作主要設施, 而呢d壓縮氣既來源係由壓縮泵將空氣加壓至儲風缸內備用, 再以風候接駁至各部件驅動迫力, 手掣, 上落客門等等.
因為車輛行駛時壓縮泵係由引擎帶動不停運作, 儲風缸氣壓會不停上升, 當壓力過高時, 儲風缸會將多餘既壓縮氣釋放, 所以有時我地會聽到d重型車/巴士會有--chi!一聲, 呢個就正正係放風既聲音.

2006-10-14 00:23:44 補充：
有時重型車輛/巴士因日久失修, 風喉接駁位會鬆脫同漏風, 風壓唔夠, 部車可能會運作唔到, 例如冇迫力或者鬆唔到手掣, 呢個時候, 司機就會拉手掣入N波(空波), 然後狂踩油加快壓縮泵運作, 令部車風壓回復正常.

大巴用氣動Brake, 所以每次巴士剎車時, 都會有噴氣聲.
這種Brake, 通常都會有個壓縮氣鼓, 當d壓縮氣用晒而壓縮氣泵又未補充得切時, 架巴士就會停唔到. .....